២-១០. ហេតុវារាទិ

៩៨. យេ កេចិ កុសលា ធម្មា, សព្ពេ តេ កុសលហេតូតិ…?

តយោ ឯវ កុសលហេតូ, អវសេសា កុសលា ធម្មា ន កុសលហេតូ…បេ… កុសលនិទានា… កុសលសម្ភវា… កុសលប្បភវា… កុសលសមុដ្ឋានា… កុសលាហារា… កុសលារម្មណា… កុសលបច្ចយា… កុសលសមុទយា….

៩៩. យេ កេចិ អកុសលា ធម្មា… យេ កេចិ អព្យាកតា ធម្មា… យេ កេចិ នាមា ធម្មា, សព្ពេ តេ នាមហេតូ តិ… នាមនិទានា… នាមសម្ភវា… នាមប្បភវា… នាមសមុដ្ឋានា… នាមាហារា… នាមារម្មណា… នាមបច្ចយា… នាមសមុទយា….

មូលំ ហេតុ និទានញ្ច, សម្ភវោ បភវេន ច;

សមុដ្ឋានាហារារម្មណា, បច្ចយោ សមុទយេន ចាតិ.

និទ្ទេសវារោ និដ្ឋិតោ.

មូលយមកបាឡិ និដ្ឋិតា.

នមោ តស្ស ភគវតោ អរហតោ សម្មាសម្ពុទ្ធស្ស