២-៦-១. សហេតុកាទិទុកានិ-ហេតុទុកំ

១៨. នសហេតុកំ នហេតុំ ធម្មំ បដិច្ច នសហេតុកោ នហេតុ ធម្មោ ឧប្បជ្ជតិ ហេតុបច្ចយា. នសហេតុកំ នហេតុំ ធម្មំ បដិច្ច នអហេតុកោ នហេតុ ធម្មោ ឧប្បជ្ជតិ ហេតុបច្ចយា. នសហេតុកំ នហេតុំ ធម្មំ បដិច្ច នសហេតុកោ នហេតុ ច នអហេតុកោ នហេតុ ច ធម្មា ឧប្បជ្ជន្តិ ហេតុបច្ចយា. (៣)

នអហេតុកំ នហេតុំ ធម្មំ បដិច្ច នអហេតុកោ នហេតុ ធម្មោ ឧប្បជ្ជតិ ហេតុបច្ចយា. នអហេតុកំ នហេតុំ ធម្មំ បដិច្ច នសហេតុកោ នហេតុ ធម្មោ ឧប្បជ្ជតិ ហេតុបច្ចយា. នអហេតុកំ នហេតុំ ធម្មំ បដិច្ច នសហេតុកោ នហេតុ ច នអហេតុកោ នហេតុ ច ធម្មា ឧប្បជ្ជន្តិ ហេតុបច្ចយា. (៣)

នសហេតុកំ នហេតុញ្ច នអហេតុកំ នហេតុញ្ច ធម្មំ បដិច្ច នសហេតុកោ នហេតុ ធម្មោ ឧប្បជ្ជតិ ហេតុបច្ចយា. នសហេតុកំ នហេតុញ្ច នអហេតុកំ នហេតុញ្ច ធម្មំ បដិច្ច នអហេតុកោ នហេតុ ធម្មោ ឧប្បជ្ជតិ ហេតុបច្ចយា. នសហេតុកំ នហេតុញ្ច នអហេតុកំ នហេតុញ្ច ធម្មំ បដិច្ច នសហេតុកោ នហេតុ ច នអហេតុកោ នហេតុ ច ធម្មា ឧប្បជ្ជន្តិ ហេតុបច្ចយា. (៣) (សំខិត្តំ.)

ហេតុយា នវ. (សព្ពត្ថ វិត្ថារោ.)

១៩. នអហេតុកំ ននហេតុំ ធម្មំ បដិច្ច នអហេតុកោ ននហេតុ ធម្មោ ឧប្បជ្ជតិ ហេតុបច្ចយា. (សំខិត្តំ.)

ហេតុយា ឯកំ…បេ… អវិគតេ ឯកំ. (សព្ពត្ថ ឯកំ.)

២០. នហេតុសម្បយុត្តំ នហេតុំ ធម្មំ បដិច្ច….

នហេតុវិប្បយុត្តំ ននហេតុំ ធម្មំ បដិច្ច….

២១. នហេតុញ្ចេវ នអហេតុកញ្ច នហេតុំ ធម្មំ បដិច្ច…បេ… នអហេតុកញ្ចេវ នន ច ហេតុំ ធម្មំ បដិច្ច…បេ… នហេតុញ្ចេវ នហេតុវិប្បយុត្តញ្ច នហេតុំ ធម្មំ បដិច្ច…បេ… នហេតុវិប្បយុត្តញ្ចេវ នន ច ហេតុំ ធម្មំ បដិច្ច….

២២. នហេតុំ នសហេតុកំ នហេតុំ ធម្មំ បដិច្ច…បេ… នហេតុំ នអហេតុកំ នហេតុំ ធម្មំ បដិច្ច….