១-២. កុសលត្តិក-វិបាកត្តិកំ

៩. នកុសលំ នវិបាកំ ធម្មំ បដិច្ច នកុសលោ នវិបាកោ ធម្មោ ឧប្បជ្ជតិ ហេតុបច្ចយា. នកុសលំ នវិបាកំ ធម្មំ បដិច្ច នអកុសលោ នវិបាកោ ធម្មោ ឧប្បជ្ជតិ ហេតុបច្ចយា. នកុសលំ នវិបាកំ ធម្មំ បដិច្ច នអព្យាកតោ នវិបាកោ ធម្មោ ឧប្បជ្ជតិ ហេតុបច្ចយា. នកុសលំ នវិបាកំ ធម្មំ បដិច្ច នកុសលោ នវិបាកោ ច នអព្យាកតោ នវិបាកោ ច ធម្មា ឧប្បជ្ជន្តិ ហេតុបច្ចយា. នកុសលំ នវិបាកំ ធម្មំ បដិច្ច នកុសលោ នវិបាកោ ច នអកុសលោ នវិបាកោ ច ធម្មា ឧប្បជ្ជន្តិ ហេតុបច្ចយា. (៥)

នអកុសលំ នវិបាកំ ធម្មំ បដិច្ច នអកុសលោ នវិបាកោ ធម្មោ ឧប្បជ្ជតិ ហេតុបច្ចយា… បញ្ច.

នអព្យាកតំ នវិបាកំ ធម្មំ បដិច្ច នអព្យាកតោ នវិបាកោ ធម្មោ ឧប្បជ្ជតិ ហេតុបច្ចយា… ឆ.

នកុសលំ នវិបាកញ្ច នអព្យាកតំ នវិបាកញ្ច ធម្មំ បដិច្ច នកុសលោ នវិបាកោ ធម្មោ ឧប្បជ្ជតិ ហេតុបច្ចយា… បញ្ច.

នអកុសលំ នវិបាកញ្ច នអព្យាកតំ នវិបាកញ្ច ធម្មំ បដិច្ច នកុសលោ នវិបាកោ ធម្មោ ឧប្បជ្ជតិ ហេតុបច្ចយា… បញ្ច.

នកុសលំ នវិបាកញ្ច នអកុសលំ នវិបាកញ្ច ធម្មំ បដិច្ច នកុសលោ នវិបាកោ ធម្មោ ឧប្បជ្ជតិ ហេតុបច្ចយា… តីណិ. (សំខិត្តំ.)

ហេតុយា ឯកូនតិំស…បេ… អវិគតេ ឯកូនតិំស. (សព្ពត្ថ វិត្ថារោ.)

១០. នកុសលំ នវិបាកធម្មធម្មំ បដិច្ច នកុសលោ នវិបាកធម្មធម្មោ ឧប្បជ្ជតិ ហេតុបច្ចយា. នកុសលំ នវិបាកធម្មធម្មំ បដិច្ច នអកុសលោ នវិបាកធម្មធម្មោ ឧប្បជ្ជតិ ហេតុបច្ចយា. នកុសលំ នវិបាកធម្មធម្មំ បដិច្ច នកុសលោ នវិបាកធម្មធម្មោ ច នអកុសលោ នវិបាកធម្មធម្មោ ច ធម្មា ឧប្បជ្ជន្តិ ហេតុបច្ចយា. (៣)

នអកុសលំ នវិបាកធម្មធម្មំ បដិច្ច នអកុសលោ នវិបាកធម្មធម្មោ ឧប្បជ្ជតិ ហេតុបច្ចយា. នអកុសលំ នវិបាកធម្មធម្មំ បដិច្ច នកុសលោ នវិបាកធម្មធម្មោ ឧប្បជ្ជតិ ហេតុបច្ចយា. នអកុសលំ នវិបាកធម្មធម្មំ បដិច្ច នកុសលោ នវិបាកធម្មធម្មោ ច នអកុសលោ នវិបាកធម្មធម្មោ ច ធម្មា ឧប្បជ្ជន្តិ ហេតុបច្ចយា. (៣)

នកុសលំ នវិបាកធម្មធម្មញ្ច នអកុសលំ នវិបាកធម្មធម្មញ្ច ធម្មំ បដិច្ច នកុសលោ នវិបាកធម្មធម្មោ ឧប្បជ្ជតិ ហេតុបច្ចយា. នកុសលំ នវិបាកធម្មធម្មញ្ច នអកុសលំ នវិបាកធម្មធម្មញ្ច ធម្មំ បដិច្ច នអកុសលោ នវិបាកធម្មធម្មោ ឧប្បជ្ជតិ ហេតុបច្ចយា. នកុសលំ នវិបាកធម្មធម្មញ្ច នអកុសលំ នវិបាកធម្មធម្មញ្ច ធម្មំ បដិច្ច នកុសលោ នវិបាកធម្មធម្មោ ច នអកុសលោ នវិបាកធម្មធម្មោ ច ធម្មា ឧប្បជ្ជន្តិ ហេតុបច្ចយា. (៣) (សំខិត្តំ).

ហេតុយា នវ…បេ… អវិគតេ នវ. (សព្ពត្ថ នវ.)

១១. នកុសលំ ននេវវិបាកនវិបាកធម្មធម្មំ បដិច្ច នកុសលោ ននេវវិបាកនវិបាកធម្មធម្មោ ឧប្បជ្ជតិ ហេតុបច្ចយា.