១-២. កុសលត្តិក-សហេតុកទុកំ

៨. នកុសលំ នសហេតុកំ ធម្មំ បដិច្ច នកុសលោ នសហេតុកោ ធម្មោ ឧប្បជ្ជតិ ហេតុបច្ចយា. នកុសលំ នសហេតុកំ ធម្មំ បដិច្ច នអកុសលោ នសហេតុកោ ធម្មោ ឧប្បជ្ជតិ ហេតុបច្ចយា. នកុសលំ នសហេតុកំ ធម្មំ បដិច្ច នកុសលោ នសហេតុកោ ច នអកុសលោ នសហេតុកោ ច ធម្មា ឧប្បជ្ជន្តិ ហេតុបច្ចយា. (៣)

នអកុសលំ នសហេតុកំ ធម្មំ បដិច្ច នអកុសលោ នសហេតុកោ ធម្មោ ឧប្បជ្ជតិ ហេតុបច្ចយា. នអកុសលំ នសហេតុកំ ធម្មំ បដិច្ច នកុសលោ នសហេតុកោ ធម្មោ ឧប្បជ្ជតិ ហេតុបច្ចយា. នអកុសលំ នសហេតុកំ ធម្មំ បដិច្ច នកុសលោ នសហេតុកោ ច នអកុសលោ នសហេតុកោ ច ធម្មា ឧប្បជ្ជន្តិ ហេតុបច្ចយា. (៣)

នអព្យាកតំ នសហេតុកំ ធម្មំ បដិច្ច នកុសលោ នសហេតុកោ ធម្មោ ឧប្បជ្ជតិ ហេតុបច្ចយា… តីណិ.

នកុសលំ នសហេតុកញ្ច នអព្យាកតំ នសហេតុកញ្ច ធម្មំ បដិច្ច នកុសលោ នសហេតុកោ ធម្មោ ឧប្បជ្ជតិ ហេតុបច្ចយា… តីណិ.

នកុសលំ នសហេតុកញ្ច នអកុសលំ នសហេតុកញ្ច ធម្មំ បដិច្ច នកុសលោ នសហេតុកោ ធម្មោ ឧប្បជ្ជតិ ហេតុបច្ចយា… តីណិ. (សំខិត្តំ.)

ហេតុយា បន្នរស, អារម្មណេ នវ…បេ… អធិបតិយា នវ…បេ… វិបាកេ នវ…បេ… អវិគតេ បន្នរស. (សព្ពត្ថ វិត្ថារោ.)

៩. នកុសលំ នអហេតុកំ ធម្មំ បដិច្ច នកុសលោ នអហេតុកោ ធម្មោ ឧប្បជ្ជតិ ហេតុបច្ចយា… បញ្ច.

នអកុសលំ នអហេតុកំ ធម្មំ បដិច្ច នអកុសលោ នអហេតុកោ ធម្មោ ឧប្បជ្ជតិ ហេតុបច្ចយា… បញ្ច.

នអព្យាកតំ នអហេតុកំ ធម្មំ បដិច្ច នអព្យាកតោ នអហេតុកោ ធម្មោ ឧប្បជ្ជតិ ហេតុបច្ចយា… បញ្ច.

នកុសលំ នអហេតុកញ្ច នអព្យាកតំ នអហេតុកញ្ច ធម្មំ បដិច្ច នកុសលោ នអហេតុកោ ធម្មោ ឧប្បជ្ជតិ ហេតុបច្ចយា… តីណិ.

នអកុសលំ នអហេតុកញ្ច នអព្យាកតំ នអហេតុកញ្ច ធម្មំ បដិច្ច នអកុសលោ នអហេតុកោ ធម្មោ ឧប្បជ្ជតិ ហេតុបច្ចយា… តីណិ.

នកុសលំ នអហេតុកញ្ច នអកុសលំ នអហេតុកញ្ច ធម្មំ បដិច្ច នកុសលោ នអហេតុកោ ធម្មោ ឧប្បជ្ជតិ ហេតុបច្ចយា… តីណិ. (សំខិត្តំ.)

ហេតុយា ចតុវីស…បេ… អវិគតេ ចតុវីស. (សព្ពត្ថ វិត្ថារោ.)