២២-៨៣. សនិទស្សនត្តិក-បិដ្ឋិទុកំ

៩០. នសនិទស្សនសប្បដិឃំ នទស្សនេន បហាតព្ពំ ធម្មំ បដិច្ច….

ហេតុយា តិំស, អារម្មណេ នវ…បេ… អញ្ញមញ្ញេ បញ្ចវីស…បេ… អវិគតេ តិំស. (បិដ្ឋិទុកំ វិត្ថារេតព្ពំ.)

៩១. នសនិទស្សនសប្បដិឃំ នសរណំ ធម្មំ បដិច្ច នសនិទស្សនសប្បដិឃោ នសរណោ ធម្មោ ឧប្បជ្ជតិ ហេតុបច្ចយា. នសនិទស្សនសប្បដិឃំ នសរណំ ធម្មំ បដិច្ច នអនិទស្សនសប្បដិឃោ នសរណោ ធម្មោ ឧប្បជ្ជតិ ហេតុបច្ចយា. នសនិទស្សនសប្បដិឃំ នសរណំ ធម្មំ បដិច្ច នអនិទស្សនអប្បដិឃោ នសរណោ ធម្មោ ឧប្បជ្ជតិ ហេតុបច្ចយា…បេ… ឆ.

នអនិទស្សនសប្បដិឃំ នសរណំ ធម្មំ បដិច្ច នអនិទស្សនសប្បដិឃោ នសរណោ ធម្មោ ឧប្បជ្ជតិ ហេតុបច្ចយា. នអនិទស្សនសប្បដិឃំ នសរណំ ធម្មំ បដិច្ច នសនិទស្សនសប្បដិឃោ នសរណោ ធម្មោ ឧប្បជ្ជតិ ហេតុបច្ចយា…បេ… ឆ.

នអនិទស្សនអប្បដិឃំ នសរណំ ធម្មំ បដិច្ច នអនិទស្សនអប្បដិឃោ នសរណោ ធម្មោ ឧប្បជ្ជតិ ហេតុបច្ចយា… ឆ.

នសនិទស្សនសប្បដិឃំ នសរណញ្ច នអនិទស្សនអប្បដិឃំ នសរណញ្ច ធម្មំ បដិច្ច នសនិទស្សនសប្បដិឃោ នសរណោ ធម្មោ ឧប្បជ្ជតិ ហេតុបច្ចយា… ឆ.

នសនិទស្សនសប្បដិឃំ នសរណញ្ច នអនិទស្សនសប្បដិឃំ នសរណញ្ច ធម្មំ បដិច្ច នសនិទស្សនសប្បដិឃោ នសរណោ ធម្មោ ឧប្បជ្ជតិ ហេតុបច្ចយា… ឆ.

ហេតុយា តិំស, អារម្មណេ នវ…បេ… អវិគតេ តិំស. (សព្ពត្ថ វិត្ថារោ.)

៩២. នសនិទស្សនសប្បដិឃំ នអរណំ ធម្មំ បដិច្ច នសនិទស្សនសប្បដិឃោ នអរណោ ធម្មោ ឧប្បជ្ជតិ ហេតុបច្ចយា. នសនិទស្សនសប្បដិឃំ នអរណំ ធម្មំ បដិច្ច នអនិទស្សនសប្បដិឃោ នអរណោ ធម្មោ ឧប្បជ្ជតិ ហេតុបច្ចយា. នសនិទស្សនសប្បដិឃំ នអរណំ ធម្មំ បដិច្ច នសនិទស្សនសប្បដិឃោ នអរណោ ច នអនិទស្សនសប្បដិឃោ នអរណោ ច ធម្មា ឧប្បជ្ជន្តិ ហេតុបច្ចយា. (៣)

៩៣. នអនិទស្សនសប្បដិឃំ នអរណំ ធម្មំ បដិច្ច នអនិទស្សនសប្បដិឃោ នអរណោ ធម្មោ ឧប្បជ្ជតិ ហេតុបច្ចយា. នអនិទស្សនសប្បដិឃំ នអរណំ ធម្មំ បដិច្ច នសនិទស្សនសប្បដិឃោ នអរណោ ធម្មោ ឧប្បជ្ជតិ ហេតុបច្ចយា. នអនិទស្សនសប្បដិឃំ នអរណំ ធម្មំ បដិច្ច នសនិទស្សនសប្បដិឃោ នអរណោ ច នអនិទស្សនសប្បដិឃោ នអរណោ ច ធម្មា ឧប្បជ្ជន្តិ ហេតុបច្ចយា. (៣)

៩៤. នសនិទស្សនសប្បដិឃំ នអរណញ្ច នអនិទស្សនសប្បដិឃំ នអរណញ្ច ធម្មំ បដិច្ច នសនិទស្សនសប្បដិឃោ នអរណោ ធម្មោ ឧប្បជ្ជតិ ហេតុបច្ចយា. នសនិទស្សនសប្បដិឃំ នអរណញ្ច នអនិទស្សនសប្បដិឃំ នអរណញ្ច ធម្មំ បដិច្ច នអនិទស្សនសប្បដិឃោ នអរណោ ធម្មោ ឧប្បជ្ជតិ ហេតុបច្ចយា. នសនិទស្សនសប្បដិឃំ នអរណញ្ច នអនិទស្សនសប្បដិឃំ នអរណញ្ច ធម្មំ បដិច្ច នសនិទស្សនសប្បដិឃោ នអរណោ ច នអនិទស្សនសប្បដិឃោ នអរណោ ច ធម្មា ឧប្បជ្ជន្តិ ហេតុបច្ចយា. (៣) (សំខិត្តំ.)

ហេតុយា នវ, អារម្មណេ នវ…បេ… អវិគតេ នវ. (សហជាតវារេបិ បច្ចយវារេបិ និស្សយវារេបិ សំសដ្ឋវារេបិ សម្បយុត្តវារេបិ សព្ពត្ថ នវ.)

ធម្មបច្ចនីយេ តិកទុកបដ្ឋានំ និដ្ឋិតំ.