១-៨៣. កុសលត្តិក-បិដ្ឋិទុកំ

៤២. នកុសលំ នទស្សនេន បហាតព្ពំ ធម្មំ បដិច្ច…បេ… នកុសលំ ននទស្សនេន បហាតព្ពំ ធម្មំ បដិច្ច…បេ… នកុសលំ នភាវនាយ បហាតព្ពំ ធម្មំ បដិច្ច…បេ… នកុសលំ ននភាវនាយ បហាតព្ពំ ធម្មំ បដិច្ច…បេ… នកុសលំ នទស្សនេន បហាតព្ពហេតុកំ ធម្មំ បដិច្ច…បេ… នកុសលំ ននទស្សនេន បហាតព្ពហេតុកំ ធម្មំ បដិច្ច…បេ… នកុសលំ នភាវនាយ បហាតព្ពហេតុកំ ធម្មំ បដិច្ច….

នកុសលំ ននភាវនាយ បហាតព្ពហេតុកំ ធម្មំ បដិច្ច….

៤៣. នកុសលំ នសវិតក្កំ ធម្មំ បដិច្ច…បេ… នកុសលំ នអវិតក្កំ ធម្មំ បដិច្ច…បេ… នកុសលំ នសវិចារំ ធម្មំ បដិច្ច….

នកុសលំ នអវិចារំ ធម្មំ បដិច្ច….

៤៤. នកុសលំ នសប្បីតិកំ ធម្មំ បដិច្ច…បេ… នកុសលំ នអប្បីតិកំ ធម្មំ បដិច្ច…បេ… នកុសលំ នបីតិសហគតំ ធម្មំ បដិច្ច…បេ… នកុសលំ ននបីតិសហគតំ ធម្មំ បដិច្ច…បេ… នកុសលំ នសុខសហគតំ ធម្មំ បដិច្ច…បេ… នកុសលំ ននសុខសហគតំ ធម្មំ បដិច្ច…បេ… នកុសលំ នឧបេក្ខាសហគតំ ធម្មំ បដិច្ច….

នកុសលំ ននឧបេក្ខាសហគតំ ធម្មំ បដិច្ច….

៤៥. នកុសលំ នកាមាវចរំ ធម្មំ បដិច្ច….

នកុសលំ ននកាមាវចរំ ធម្មំ បដិច្ច….

៤៦. នកុសលំ នរូបាវចរំ ធម្មំ បដិច្ច…បេ… នកុសលំ ននរូបាវចរំ ធម្មំ បដិច្ច…បេ… នកុសលំ នអរូបាវចរំ ធម្មំ បដិច្ច….

នកុសលំ ននអរូបាវចរំ ធម្មំ បដិច្ច….

៤៧. នកុសលំ នបរិយាបន្នំ ធម្មំ បដិច្ច….

នកុសលំ នអបរិយាបន្នំ ធម្មំ បដិច្ច….

៤៨. នកុសលំ ននិយ្យានិកំ ធម្មំ បដិច្ច….

នកុសលំ នអនិយ្យានិកំ ធម្មំ បដិច្ច….

៤៩. នកុសលំ ននិយតំ ធម្មំ បដិច្ច….

នកុសលំ នអនិយតំ ធម្មំ បដិច្ច….

៥០. នកុសលំ នសឧត្តរំ ធម្មំ បដិច្ច….

នកុសលំ នអនុត្តរំ ធម្មំ បដិច្ច….

៥១. នកុសលំ នសរណំ ធម្មំ បដិច្ច នកុសលោ នសរណោ ធម្មោ ឧប្បជ្ជតិ ហេតុបច្ចយា. នកុសលំ នសរណំ ធម្មំ បដិច្ច នអកុសលោ នសរណោ ធម្មោ ឧប្បជ្ជតិ ហេតុបច្ចយា. នកុសលំ នសរណំ ធម្មំ បដិច្ច នកុសលោ នសរណោ ច នអកុសលោ នសរណោ ច ធម្មា ឧប្បជ្ជន្តិ ហេតុបច្ចយា. (៣)

នអកុសលំ នសរណំ ធម្មំ បដិច្ច នអកុសលោ នសរណោ ធម្មោ ឧប្បជ្ជតិ ហេតុបច្ចយា… បញ្ច.

នអព្យាកតំ នសរណំ ធម្មំ បដិច្ច នអព្យាកតោ នសរណោ ធម្មោ ឧប្បជ្ជតិ ហេតុបច្ចយា… បញ្ច.

នអកុសលំ នសរណញ្ច នអព្យាកតំ នសរណញ្ច ធម្មំ បដិច្ច នកុសលោ នសរណោ ធម្មោ ឧប្បជ្ជតិ ហេតុបច្ចយា… បញ្ច.

នកុសលំ នសរណញ្ច នអកុសលំ នសរណញ្ច ធម្មំ បដិច្ច នកុសលោ នសរណោ ធម្មោ ឧប្បជ្ជតិ ហេតុបច្ចយា… តីណិ. (សំខិត្តំ.)

ហេតុយា ឯកវីស, អារម្មណេ សត្តរស…បេ… អវិគតេ ឯកវីស. (សព្ពត្ថ វិត្ថារោ.)

នកុសលំ នអរណំ ធម្មំ បដិច្ច នកុសលោ នអរណោ ធម្មោ ឧប្បជ្ជតិ ហេតុបច្ចយា. (សំខិត្តំ.) ហេតុយា នវ.

កុសលត្តិកបិដ្ឋិទុកំ និដ្ឋិតំ.