៨២. កិលេសវិប្បយុត្តសំកិលេសិកទុកំ

៧៥. កិលេសវិប្បយុត្តំ នសំកិលេសិកំ ធម្មំ បដិច្ច កិលេសវិប្បយុត្តោ នសំកិលេសិកោ ធម្មោ ឧប្បជ្ជតិ ហេតុបច្ចយា. កិលេសវិប្បយុត្តំ នសំកិលេសិកំ ធម្មំ បដិច្ច កិលេសវិប្បយុត្តោ នអសំកិលេសិកោ ធម្មោ ឧប្បជ្ជតិ ហេតុបច្ចយា. កិលេសវិប្បយុត្តំ នសំកិលេសិកំ ធម្មំ បដិច្ច កិលេសវិប្បយុត្តោ នសំកិលេសិកោ ច កិលេសវិប្បយុត្តោ នអសំកិលេសិកោ ច ធម្មា ឧប្បជ្ជន្តិ ហេតុបច្ចយា. (៣)

កិលេសវិប្បយុត្តំ នអសំកិលេសិកំ ធម្មំ បដិច្ច កិលេសវិប្បយុត្តោ នអសំកិលេសិកោ ធម្មោ ឧប្បជ្ជតិ ហេតុបច្ចយា. (១)

កិលេសវិប្បយុត្តំ នសំកិលេសិកញ្ច កិលេសវិប្បយុត្តំ នអសំកិលេសិកញ្ច ធម្មំ បដិច្ច កិលេសវិប្បយុត្តោ នអសំកិលេសិកោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

ហេតុយា បញ្ច. (សព្ពត្ថ វិត្ថារោ.)