៥៧. ចេតសិកទុកំ

៥៥. នចេតសិកំ ធម្មំ បដិច្ច នចេតសិកោ ធម្មោ ឧប្បជ្ជតិ ហេតុបច្ចយា. នចេតសិកំ ធម្មំ បដិច្ច នអចេតសិកោ ធម្មោ ឧប្បជ្ជតិ ហេតុបច្ចយា. នចេតសិកំ ធម្មំ បដិច្ច នចេតសិកោ ច នអចេតសិកោ ច ធម្មា ឧប្បជ្ជន្តិ ហេតុបច្ចយា. (៣)

នអចេតសិកំ ធម្មំ បដិច្ច នអចេតសិកោ ធម្មោ ឧប្បជ្ជតិ ហេតុបច្ចយា. នអចេតសិកំ ធម្មំ បដិច្ច នចេតសិកោ ធម្មោ ឧប្បជ្ជតិ ហេតុបច្ចយា. នអចេតសិកំ ធម្មំ បដិច្ច នចេតសិកោ ច នអចេតសិកោ ច ធម្មា ឧប្បជ្ជន្តិ ហេតុបច្ចយា. (៣)

នចេតសិកញ្ច នអចេតសិកញ្ច ធម្មំ បដិច្ច នចេតសិកោ ធម្មោ ឧប្បជ្ជតិ ហេតុបច្ចយា. នចេតសិកញ្ច នអចេតសិកញ្ច ធម្មំ បដិច្ច នអចេតសិកោ ធម្មោ ឧប្បជ្ជតិ ហេតុបច្ចយា. នចេតសិកញ្ច នអចេតសិកញ្ច ធម្មំ បដិច្ច នចេតសិកោ ច នអចេតសិកោ ច ធម្មា ឧប្បជ្ជន្តិ ហេតុបច្ចយា. (៣)

ហេតុយា នវ…បេ… អវិគតេ នវ. (សព្ពត្ថ វិត្ថារោ.)