៥០-៥៤. បរាមាសាទិទុកានិ

៤៨. នោបរាមាសំ ធម្មំ បដិច្ច នោបរាមាសោ ធម្មោ ឧប្បជ្ជតិ ហេតុបច្ចយា. (សំខិត្តំ.)

៤៩. នបរាមដ្ឋំ ធម្មំ បដិច្ច នបរាមដ្ឋោ ធម្មោ ឧប្បជ្ជតិ ហេតុបច្ចយា. (សំខិត្តំ.)

៥០. នបរាមាសសម្បយុត្តំ ធម្មំ បដិច្ច នបរាមាសសម្បយុត្តោ ធម្មោ ឧប្បជ្ជតិ ហេតុបច្ចយា.

៥១. នបរាមាសញ្ចេវ នអបរាមដ្ឋញ្ច ធម្មំ បដិច្ច នបរាមាសោ ចេវ នអបរាមដ្ឋោ ច ធម្មោ ឧប្បជ្ជតិ ហេតុបច្ចយា. នបរាមាសញ្ចេវ នអបរាមដ្ឋញ្ច ធម្មំ បដិច្ច នអបរាមដ្ឋោ ចេវ ននោ ច បរាមាសោ ធម្មោ ឧប្បជ្ជតិ ហេតុបច្ចយា. នបរាមាសញ្ចេវ នអបរាមដ្ឋញ្ច ធម្មំ បដិច្ច នបរាមាសោ ចេវ នអបរាមដ្ឋោ ច នអបរាមដ្ឋោ ចេវ ននោបរាមាសោ ច ធម្មា ឧប្បជ្ជន្តិ ហេតុបច្ចយា. (៣)

នអបរាមដ្ឋញ្ចេវ ននោ ច បរាមាសំ ធម្មំ បដិច្ច នបរាមាសោ ចេវ នអបរាមដ្ឋោ ច ធម្មោ ឧប្បជ្ជតិ ហេតុបច្ចយា. (១)

នបរាមាសញ្ចេវ នអបរាមដ្ឋញ្ច នអបរាមដ្ឋញ្ចេវ ននោ ច បរាមាសញ្ច ធម្មំ បដិច្ច នបរាមាសោ ចេវ នអបរាមដ្ឋោ ច ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

៥២. បរាមាសវិប្បយុត្តំ នបរាមដ្ឋំ ធម្មំ បដិច្ច បរាមាសវិប្បយុត្តោ នបរាមដ្ឋោ ធម្មោ ឧប្បជ្ជតិ ហេតុបច្ចយា. បរាមាសវិប្បយុត្តំ នបរាមដ្ឋំ ធម្មំ បដិច្ច បរាមាសវិប្បយុត្តោ នអបរាមដ្ឋោ ធម្មោ ឧប្បជ្ជតិ ហេតុបច្ចយា. បរាមាសវិប្បយុត្តំ នបរាមដ្ឋំ ធម្មំ បដិច្ច បរាមាសវិប្បយុត្តោ នបរាមដ្ឋោ ច បរាមាសវិប្បយុត្តោ នអបរាមដ្ឋោ ច ធម្មា ឧប្បជ្ជន្តិ ហេតុបច្ចយា. (៣)

បរាមាសវិប្បយុត្តំ នអបរាមដ្ឋំ ធម្មំ បដិច្ច បរាមាសវិប្បយុត្តោ នអបរាមដ្ឋោ ធម្មោ ឧប្បជ្ជតិ ហេតុបច្ចយា. (១)

បរាមាសវិប្បយុត្តំ នបរាមដ្ឋញ្ច បរាមាសវិប្បយុត្តំ នអបរាមដ្ឋញ្ច ធម្មំ បដិច្ច បរាមាសវិប្បយុត្តោ នអបរាមដ្ឋោ ធម្មោ ឧប្បជ្ជតិ ហេតុបច្ចយា. (១)

ហេតុយា បញ្ច, អារម្មណេ ទ្វេ…បេ…. អវិគតេ បញ្ច.

បរាមាសគោច្ឆកំ និដ្ឋិតំ.