៣១. គន្ថវិប្បយុត្តគន្ថនិយទុកំ

៤៥. គន្ថវិប្បយុត្តំ នគន្ថនិយំ ធម្មំ បដិច្ច គន្ថវិប្បយុត្តោ នគន្ថនិយោ ធម្មោ ឧប្បជ្ជតិ ហេតុបច្ចយា. គន្ថវិប្បយុត្តំ នគន្ថនិយំ ធម្មំ បដិច្ច គន្ថវិប្បយុត្តោ នអគន្ថនិយោ ធម្មោ ឧប្បជ្ជតិ ហេតុបច្ចយា. គន្ថវិប្បយុត្តំ នគន្ថនិយំ ធម្មំ បដិច្ច គន្ថវិប្បយុត្តោ នគន្ថនិយោ ច គន្ថវិប្បយុត្តោ នអគន្ថនិយោ ច ធម្មា ឧប្បជ្ជន្តិ ហេតុបច្ចយា. (៣)

គន្ថវិប្បយុត្តំ នអគន្ថនិយំ ធម្មំ បដិច្ច គន្ថវិប្បយុត្តោ នអគន្ថនិយោ ធម្មោ ឧប្បជ្ជតិ ហេតុបច្ចយា. (១)

គន្ថវិប្បយុត្តំ នគន្ថនិយញ្ច គន្ថវិប្បយុត្តំ នអគន្ថនិយញ្ច ធម្មំ បដិច្ច គន្ថវិប្បយុត្តោ នអគន្ថនិយោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

ហេតុយា បញ្ច, អារម្មណេ ទ្វេ…បេ… អវិគតេ បញ្ច. (សព្ពត្ថ វិត្ថារោ.)

គន្ថគោច្ឆកំ និដ្ឋិតំ.