២៣. សញ្ញោជនសញ្ញោជនិយទុកំ

៣៧. នសញ្ញោជនញ្ចេវ នអសញ្ញោជនិយញ្ច ធម្មំ បដិច្ច នសញ្ញោជនោ ចេវ នអសញ្ញោជនិយោ ច ធម្មោ ឧប្បជ្ជតិ ហេតុបច្ចយា. នសញ្ញោជនញ្ចេវ នអសញ្ញោជនិយញ្ច ធម្មំ បដិច្ច នអសញ្ញោជនិយោ ចេវ ននោអសញ្ញោជនោ ច ធម្មោ ឧប្បជ្ជតិ ហេតុបច្ចយា. នសញ្ញោជនញ្ចេវ នអសញ្ញោជនិយញ្ច ធម្មំ បដិច្ច នសញ្ញោជនោ ចេវ នអសញ្ញោជនិយោ ច នអសញ្ញោជនិយោ ចេវ ននោ ច សញ្ញោជនោ ច ធម្មា ឧប្បជ្ជន្តិ ហេតុបច្ចយា. (៣)

នអសញ្ញោជនិយញ្ចេវ ននោ ច សញ្ញោជនំ ធម្មំ បដិច្ច នអសញ្ញោជនិយោ ចេវ ននោ ច សញ្ញោជនោ ធម្មោ ឧប្បជ្ជតិ ហេតុបច្ចយា… តីណិ.

នសញ្ញោជនញ្ចេវ នអសញ្ញោជនិយញ្ច នអសញ្ញោជនិយញ្ចេវ ននោសញ្ញោជនញ្ច ធម្មំ បដិច្ច នសញ្ញោជនោ ចេវ នអសញ្ញោជនិយោ ច ធម្មោ ឧប្បជ្ជតិ ហេតុបច្ចយា… តីណិ. (សំខិត្តំ.)

ហេតុយា នវ, អារម្មណេ នវ…បេ… អវិគតេ នវ. (សព្ពត្ថ វិត្ថារោ.)