១-៧. បដិច្ចវារាទិ

៣០. នអាសវសម្បយុត្តំ ធម្មំ បដិច្ច នអាសវសម្បយុត្តោ ធម្មោ ឧប្បជ្ជតិ ហេតុបច្ចយា. នអាសវសម្បយុត្តំ ធម្មំ បដិច្ច នអាសវវិប្បយុត្តោ ធម្មោ ឧប្បជ្ជតិ ហេតុបច្ចយា. នអាសវសម្បយុត្តំ ធម្មំ បដិច្ច នអាសវសម្បយុត្តោ ច នអាសវវិប្បយុត្តោ ច ធម្មា ឧប្បជ្ជន្តិ ហេតុបច្ចយា. (៣)

នអាសវវិប្បយុត្តំ ធម្មំ បដិច្ច នអាសវវិប្បយុត្តោ ធម្មោ ឧប្បជ្ជតិ ហេតុបច្ចយា. នអាសវវិប្បយុត្តំ ធម្មំ បដិច្ច នអាសវសម្បយុត្តោ ធម្មោ ឧប្បជ្ជតិ ហេតុបច្ចយា. នអាសវវិប្បយុត្តំ ធម្មំ បដិច្ច នអាសវសម្បយុត្តោ ច នអាសវវិប្បយុត្តោ ច ធម្មា ឧប្បជ្ជន្តិ ហេតុបច្ចយា. (៣)

នអាសវសម្បយុត្តញ្ច នអាសវវិប្បយុត្តញ្ច ធម្មំ បដិច្ច នអាសវសម្បយុត្តោ ធម្មោ ឧប្បជ្ជតិ ហេតុបច្ចយា. នអាសវសម្បយុត្តញ្ច នអាសវវិប្បយុត្តញ្ច ធម្មំ បដិច្ច នអាសវវិប្បយុត្តោ ធម្មោ ឧប្បជ្ជតិ ហេតុបច្ចយា. នអាសវសម្បយុត្តញ្ច នអាសវវិប្បយុត្តញ្ច ធម្មំ បដិច្ច នអាសវសម្បយុត្តោ ច នអាសវវិប្បយុត្តោ ច ធម្មា ឧប្បជ្ជន្តិ ហេតុបច្ចយា. (៣) (សំខិត្តំ.)

ហេតុយា នវ, អារម្មណេ ឆ…បេ… អវិគតេ នវ. (សព្ពត្ថ វិត្ថារោ.)