២. វេទនាត្តិកំ

១-៧. បដិច្ចវារាទិ

១១. នសុខាយ វេទនាយ សម្បយុត្តំ ធម្មំ បដិច្ច នសុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា. នសុខាយ វេទនាយ សម្បយុត្តំ ធម្មំ បដិច្ច នទុក្ខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា. នសុខាយ វេទនាយ សម្បយុត្តំ ធម្មំ បដិច្ច នអទុក្ខមសុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា. នសុខាយ វេទនាយ សម្បយុត្តំ ធម្មំ បដិច្ច នសុខាយ វេទនាយ សម្បយុត្តោ ច នអទុក្ខមសុខាយ វេទនាយ សម្បយុត្តោ ច ធម្មា ឧប្បជ្ជន្តិ ហេតុបច្ចយា. នសុខាយ វេទនាយ សម្បយុត្តំ ធម្មំ បដិច្ច នទុក្ខាយ វេទនាយ សម្បយុត្តោ ច នអទុក្ខមសុខាយ វេទនាយ សម្បយុត្តោ ច ធម្មា ឧប្បជ្ជន្តិ ហេតុបច្ចយា. នសុខាយ វេទនាយ សម្បយុត្តំ ធម្មំ បដិច្ច នសុខាយ វេទនាយ សម្បយុត្តោ ច នទុក្ខាយ វេទនាយ សម្បយុត្តោ ច ធម្មា ឧប្បជ្ជន្តិ ហេតុបច្ចយា. នសុខាយ វេទនាយ សម្បយុត្តំ ធម្មំ បដិច្ច នសុខាយ វេទនាយ សម្បយុត្តោ ច នទុក្ខាយ វេទនាយ សម្បយុត្តោ ច នអទុក្ខមសុខាយ វេទនាយ សម្បយុត្តោ ច ធម្មា ឧប្បជ្ជន្តិ ហេតុបច្ចយា. (៧)

នទុក្ខាយ វេទនាយ សម្បយុត្តំ ធម្មំ បដិច្ច នទុក្ខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា… សត្ត.

នអទុក្ខមសុខាយ វេទនាយ សម្បយុត្តំ ធម្មំ បដិច្ច នអទុក្ខមសុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា… សត្ត. (សំខិត្តំ.)