១-៧. បដិច្ចវារាទិ

៣១. នសនិទស្សនសប្បដិឃំ ធម្មំ បដិច្ច នសនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា. នសនិទស្សនសប្បដិឃំ ធម្មំ បដិច្ច នអនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា. នសនិទស្សនសប្បដិឃំ ធម្មំ បដិច្ច នអនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា. នសនិទស្សនសប្បដិឃំ ធម្មំ បដិច្ច នសនិទស្សនសប្បដិឃោ ច នអនិទស្សនអប្បដិឃោ ច ធម្មា ឧប្បជ្ជន្តិ ហេតុបច្ចយា. នសនិទស្សនសប្បដិឃំ ធម្មំ បដិច្ច នអនិទស្សនសប្បដិឃោ ច នអនិទស្សនអប្បដិឃោ ច ធម្មា ឧប្បជ្ជន្តិ ហេតុបច្ចយា. នសនិទស្សនសប្បដិឃំ ធម្មំ បដិច្ច នសនិទស្សនសប្បដិឃោ ច នអនិទស្សនសប្បដិឃោ ច ធម្មា ឧប្បជ្ជន្តិ ហេតុបច្ចយា. (៦)

៣២. នអនិទស្សនសប្បដិឃំ ធម្មំ បដិច្ច នអនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា. នអនិទស្សនសប្បដិឃំ ធម្មំ បដិច្ច នសនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា. នអនិទស្សនសប្បដិឃំ ធម្មំ បដិច្ច នអនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា. នអនិទស្សនសប្បដិឃំ ធម្មំ បដិច្ច នសនិទស្សនសប្បដិឃោ ច នអនិទស្សនអប្បដិឃោ ច ធម្មា ឧប្បជ្ជន្តិ ហេតុបច្ចយា. នអនិទស្សនសប្បដិឃំ ធម្មំ បដិច្ច នអនិទស្សនសប្បដិឃោ ច នអនិទស្សនអប្បដិឃោ ច ធម្មា ឧប្បជ្ជន្តិ ហេតុបច្ចយា. នអនិទស្សនសប្បដិឃំ ធម្មំ បដិច្ច នសនិទស្សនសប្បដិឃោ ច នអនិទស្សនសប្បដិឃោ ច ធម្មា ឧប្បជ្ជន្តិ ហេតុបច្ចយា. (៦)

៣៣. នអនិទស្សនអប្បដិឃំ ធម្មំ បដិច្ច នអនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា. នអនិទស្សនអប្បដិឃំ ធម្មំ បដិច្ច នសនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា. នអនិទស្សនអប្បដិឃំ ធម្មំ បដិច្ច នអនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា…. ឆ.

នសនិទស្សនសប្បដិឃញ្ច នអនិទស្សនអប្បដិឃញ្ច ធម្មំ បដិច្ច នសនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា…. ឆ.

នសនិទស្សនសប្បដិឃញ្ច នអនិទស្សនសប្បដិឃញ្ច ធម្មំ បដិច្ច នសនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា…. ឆ. (សំខិត្តំ.)

៣៤. ហេតុយា តិំស…បេ… អវិគតេ តិំស.

(យថា កុសលត្តិកេ សហជាតវារម្បិ បច្ចយវារម្បិ និស្សយវារម្បិ សំសដ្ឋវារម្បិ សម្បយុត្តវារម្បិ បញ្ហាវារម្បិ គណិតំ ឯវំ គណេតព្ពំ.)

ធម្មបច្ចនីយេ តិកបដ្ឋានំ និដ្ឋិតំ.