១-៧. បដិច្ចវារាទិ

២៧. នអតីតំ ធម្មំ បដិច្ច នអតីតោ ធម្មោ ឧប្បជ្ជតិ ហេតុបច្ចយា. (សំខិត្តំ.)

នអតីតោ ធម្មោ នអតីតស្ស ធម្មស្ស ហេតុបច្ចយេន បច្ចយោ. នអតីតោ ធម្មោ នអនាគតស្ស ធម្មស្ស ហេតុបច្ចយេន បច្ចយោ. នអតីតោ ធម្មោ នអតីតស្ស ច នអនាគតស្ស ច ធម្មស្ស ហេតុបច្ចយេន បច្ចយោ. (៣)

នអនាគតោ ធម្មោ នអនាគតស្ស ធម្មស្ស ហេតុបច្ចយេន បច្ចយោ. នអនាគតោ ធម្មោ នអតីតស្ស ធម្មស្ស ហេតុបច្ចយេន បច្ចយោ. នអនាគតោ ធម្មោ នអតីតស្ស ច នអនាគតស្ស ច ធម្មស្ស ហេតុបច្ចយេន បច្ចយោ. (៣)

នអតីតោ ច នអនាគតោ ច ធម្មា នអតីតស្ស ធម្មស្ស ហេតុបច្ចយេន បច្ចយោ. នអតីតោ ច នអនាគតោ ច ធម្មា នអនាគតស្ស ធម្មស្ស ហេតុបច្ចយេន បច្ចយោ. នអតីតោ ច នអនាគតោ ច ធម្មា នអតីតស្ស ច នអនាគតស្ស ច ធម្មស្ស ហេតុបច្ចយេន បច្ចយោ. (៣) (សំខិត្តំ.)