១០០-៨៣. សរណទុក-បិដ្ឋិទុកំ

៨៦. នសរណំ នទស្សនេន បហាតព្ពំ ធម្មំ បដិច្ច សរណោ ទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

នអរណំ ននទស្សនេន បហាតព្ពំ ធម្មំ បដិច្ច អរណោ នទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា. ហេតុយា ឯកំ. (សំខិត្តំ.)

៨៧. នសរណំ នសឧត្តរំ ធម្មំ បដិច្ច អរណោ សឧត្តរោ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

(សហជាតវារម្បិ បច្ចយវារម្បិ និស្សយវារម្បិ សំសដ្ឋវារម្បិ សម្បយុត្តវារម្បិ បដិច្ចវារសទិសំ.)

បញ្ហាវារោ

ហេតុ-អារម្មណបច្ចយា

៨៨. នសរណោ នសឧត្តរោ ធម្មោ អរណស្ស សឧត្តរស្ស ធម្មស្ស ហេតុបច្ចយេន បច្ចយោ. ឯកំ.

នសរណោ នសឧត្តរោ ធម្មោ អរណស្ស សឧត្តរស្ស ធម្មស្ស អារម្មណបច្ចយេន បច្ចយោ. ឯកំ. ហេតុយា ឯកំ.

បច្ចនីយុទ្ធារោ

៨៩. នសរណោ នសឧត្តរោ ធម្មោ អរណស្ស សឧត្តរស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ… (សំខិត្តំ.) នហេតុយា ឯកំ, នអារម្មណេ ឯកំ.

ហេតុបច្ចយា នអារម្មណេ ឯកំ. (សំខិត្តំ.)

នហេតុបច្ចយា អារម្មណេ ឯកំ. (សំខិត្តំ.)

(យថា កុសលត្តិកេ បញ្ហាវារំ ឯវំ វិត្ថារេតព្ពំ.)

អនុត្តរបទំ

ហេតុ-អនន្តរបច្ចយា

៩០. នសរណំ នអនុត្តរំ ធម្មំ បច្ចយា អរណោ អនុត្តរោ ធម្មោ ឧប្បជ្ជតិ ហេតុបច្ចយា. ហេតុយា ឯកំ…បេ… អវិគតេ ឯកំ.

៩១. នសរណោ នអនុត្តរោ ធម្មោ អរណស្ស អនុត្តរស្ស ធម្មស្ស អនន្តរបច្ចយេន បច្ចយោ. អនន្តរេ ឯកំ, សមនន្តរេ ឯកំ, ឧបនិស្សយេ ទ្វេ, បុរេជាតេ ឯកំ, អាសេវនេ ឯកំ, វិប្បយុត្តេ ឯកំ, អត្ថិយា ឯកំ, នត្ថិយា ឯកំ, វិគតេ ឯកំ, អវិគតេ ឯកំ.

បច្ចនីយុទ្ធារោ

៩២. នសរណោ នអនុត្តរោ ធម្មោ អរណស្ស អនុត្តរស្ស ធម្មស្ស ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ.

នអរណោ នអនុត្តរោ ធម្មោ អរណស្ស អនុត្តរស្ស ធម្មស្ស ឧបនិស្សយបច្ចយេន បច្ចយោ. នហេតុយា ទ្វេ, នអារម្មណេ ទ្វេ…បេ… នឧបនិស្សយេ ឯកំ, នបុរេជាតេ ទ្វេ…បេ… នោអវិគតេ ទ្វេ.

ឧបនិស្សយបច្ចយា នហេតុយា ទ្វេ. (សំខិត្តំ.)

នហេតុបច្ចយា ឧបនិស្សយេ ទ្វេ, បុរេជាតេ ឯកំ…បេ… អត្ថិយា ឯកំ…បេ… អវិគតេ ឯកំ. (សំខិត្តំ.)

(យថា កុសលត្តិកេ បញ្ហាវារំ ឯវំ វិត្ថារេតព្ពំ.)

អនុលោមទុកតិកបដ្ឋានតោ បដ្ឋាយ យាវ បរិយោសានា តិំសមត្តេហិ ភាណវារេហិ បដ្ឋានំ.

ធម្មបច្ចនីយានុលោមេ ទុកទុកបដ្ឋានំ និដ្ឋិតំ.

បច្ចនីយានុលោមបដ្ឋានំ និដ្ឋិតំ.

បដ្ឋានបករណំ និដ្ឋិតំ.