១-៧. បដិច្ចវារាទិ

បច្ចយចតុក្កំ

៧២. សប្បច្ចយំ ហេតុំ ធម្មំ បដិច្ច សប្បច្ចយោ ហេតុ ធម្មោ ឧប្បជ្ជតិ ហេតុបច្ចយា. (សព្ពត្ថ ឯកំ.)

សប្បច្ចយំ នហេតុំ ធម្មំ បដិច្ច សប្បច្ចយោ នហេតុ ធម្មោ ឧប្បជ្ជតិ ហេតុបច្ចយា. (សព្ពត្ថ ឯកំ.)

៧៣. សង្ខតំ ហេតុំ ធម្មំ បដិច្ច សង្ខតោ ហេតុ ធម្មោ ឧប្បជ្ជតិ ហេតុបច្ចយា. (សព្ពត្ថ ឯកំ.)

សង្ខតំ នហេតុំ ធម្មំ បដិច្ច សង្ខតោ នហេតុ ធម្មោ ឧប្បជ្ជតិ ហេតុបច្ចយា. (សព្ពត្ថ ឯកំ).

៧៤. អនិទស្សនំ ហេតុំ ធម្មំ បដិច្ច អនិទស្សនោ ហេតុ ធម្មោ ឧប្បជ្ជតិ ហេតុបច្ចយា. (សព្ពត្ថ ឯកំ.)

អនិទស្សនំ នហេតុំ ធម្មំ បដិច្ច អនិទស្សនោ នហេតុ ធម្មោ ឧប្បជ្ជតិ ហេតុបច្ចយា. (សំខិត្តំ.)

ហេតុយា តីណិ, អារម្មណេ ឯកំ…បេ… អវិគតេ តីណិ. (សំខិត្តំ.)

៧៥. អប្បដិឃំ ហេតុំ ធម្មំ បដិច្ច សប្បដិឃោ ហេតុ ធម្មោ ឧប្បជ្ជតិ ហេតុបច្ចយា. (សព្ពត្ថ ឯកំ.)

សប្បដិឃំ នហេតុំ ធម្មំ បដិច្ច សប្បដិឃោ នហេតុ ធម្មោ ឧប្បជ្ជតិ ហេតុបច្ចយា… តីណិ.

អប្បដិឃំ នហេតុំ ធម្មំ បដិច្ច អប្បដិឃោ នហេតុ ធម្មោ ឧប្បជ្ជតិ ហេតុបច្ចយា… តីណិ.

សប្បដិឃំ នហេតុញ្ច អប្បដិឃំ នហេតុញ្ច ធម្មំ បដិច្ច សប្បដិឃោ នហេតុ ធម្មោ ឧប្បជ្ជតិ ហេតុបច្ចយា… តីណិ. (សំខិត្តំ.)

ហេតុយា នវ, អារម្មណេ ឯកំ…បេ… អញ្ញមញ្ញេ ឆ…បេ… អវិគតេ នវ.

៧៦. អរូបិំ ហេតុំ ធម្មំ បដិច្ច អរូបី ហេតុ ធម្មោ ឧប្បជ្ជតិ ហេតុបច្ចយា. (សព្ពត្ថ ឯកំ.)

រូបិំ នហេតុំ ធម្មំ បដិច្ច រូបី នហេតុ ធម្មោ ឧប្បជ្ជតិ ហេតុបច្ចយា. (សំខិត្តំ.)

ហេតុយា នវ.

៧៧. លោកិយំ ហេតុំ ធម្មំ បដិច្ច លោកិយោ ហេតុ ធម្មោ ឧប្បជ្ជតិ ហេតុបច្ចយា. (១)

លោកុត្តរំ ហេតុំ ធម្មំ បដិច្ច លោកុត្តរោ ហេតុ ធម្មោ ឧប្បជ្ជតិ ហេតុបច្ចយា. (១) (សព្ពត្ថ ទ្វេ.)

លោកិយំ នហេតុំ ធម្មំ បដិច្ច លោកិយោ នហេតុ ធម្មោ ឧប្បជ្ជតិ ហេតុបច្ចយា. (១)

លោកុត្តរំ នហេតុំ ធម្មំ បដិច្ច លោកុត្តរោ នហេតុ ធម្មោ ឧប្បជ្ជតិ ហេតុបច្ចយា… តីណិ.

លោកិយំ នហេតុញ្ច លោកុត្តរំ នហេតុញ្ច ធម្មំ បដិច្ច លោកិយោ នហេតុ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

ហេតុយា បញ្ច.

៧៨. កេនចិ វិញ្ញេយ្យំ ហេតុំ ធម្មំ បដិច្ច…បេ… នកេនចិ វិញ្ញេយ្យំ ហេតុំ ធម្មំ បដិច្ច… (សព្ពត្ថ នវ).

កេនចិ វិញ្ញេយ្យំ នហេតុំ ធម្មំ បដិច្ច…បេ… នកេនចិ វិញ្ញេយ្យំ នហេតុំ ធម្មំ បដិច្ច… (សព្ពត្ថ នវ).