១-៧. បដិច្ចវារាទិ

បច្ចយចតុក្កំ

ហេតុបច្ចយោ

១២. ហេតុំ ហេតុសម្បយុត្តំ ធម្មំ បដិច្ច ហេតុ ហេតុសម្បយុត្តោ ធម្មោ ឧប្បជ្ជតិ ហេតុបច្ចយា. ហេតុំ ហេតុសម្បយុត្តំ ធម្មំ បដិច្ច នហេតុ ហេតុសម្បយុត្តោ ធម្មោ ឧប្បជ្ជតិ ហេតុបច្ចយា. ហេតុំ ហេតុសម្បយុត្តំ ធម្មំ បដិច្ច ហេតុ ហេតុសម្បយុត្តោ ច នហេតុ ហេតុសម្បយុត្តោ ច ធម្មា ឧប្បជ្ជន្តិ ហេតុបច្ចយា. (៣)

នហេតុំ ហេតុសម្បយុត្តំ ធម្មំ បដិច្ច នហេតុ ហេតុសម្បយុត្តោ ធម្មោ ឧប្បជ្ជតិ ហេតុបច្ចយា… តីណិ.

ហេតុំ ហេតុសម្បយុត្តញ្ច នហេតុំ ហេតុសម្បយុត្តញ្ច ធម្មំ បដិច្ច ហេតុ ហេតុសម្បយុត្តោ ធម្មោ ឧប្បជ្ជតិ ហេតុបច្ចយា… តីណិ. (សំខិត្តំ.)

១៣. ហេតុយា នវ, អារម្មណេ នវ…បេ… អវិគតេ នវ. (សំខិត្តំ.)

១៤. ហេតុ ហេតុសម្បយុត្តោ ធម្មោ ហេតុស្ស ហេតុសម្បយុត្តស្ស ធម្មស្ស ហេតុបច្ចយេន បច្ចយោ… តីណិ. (សំខិត្តំ.)

ហេតុយា តីណិ…បេ… អវិគតេ នវ. (សំខិត្តំ.)

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)

១៥. ហេតុំ ហេតុវិប្បយុត្តំ ធម្មំ បដិច្ច នហេតុ ហេតុវិប្បយុត្តោ ធម្មោ ឧប្បជ្ជតិ ហេតុបច្ចយា. (១)

នហេតុំ ហេតុវិប្បយុត្តំ ធម្មំ បដិច្ច នហេតុ ហេតុវិប្បយុត្តោ ធម្មោ ឧប្បជ្ជតិ ហេតុបច្ចយា. (១)

ហេតុំ ហេតុវិប្បយុត្តញ្ច នហេតុំ ហេតុវិប្បយុត្តញ្ច ធម្មំ បដិច្ច នហេតុ ហេតុវិប្បយុត្តោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

ហេតុយា តីណិ, អារម្មណេ ឯកំ…បេ… អវិគតេ តីណិ.

(សហជាតវារម្បិ…បេ… សម្បយុត្តវារម្បិ បដិច្ចវារសទិសំ វិត្ថារេតព្ពំ.)

១៦. ហេតុ ហេតុវិប្បយុត្តោ ធម្មោ នហេតុស្ស ហេតុវិប្បយុត្តស្ស ធម្មស្ស ហេតុបច្ចយេន បច្ចយោ. (សំខិត្តំ.)

ហេតុយា ឯកំ, អារម្មណេ ចត្តារិ…បេ… អវិគតេ ចត្តារិ. (សំខិត្តំ.)

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)