១-១៣. ហេតុទុក-អាសវទុកំ

៣២. ហេតុំ អាសវំ ធម្មំ បដិច្ច ហេតុ អាសវោ ធម្មោ ឧប្បជ្ជតិ ហេតុបច្ចយា. ហេតុំ អាសវំ ធម្មំ បដិច្ច នហេតុ អាសវោ ធម្មោ ឧប្បជ្ជតិ ហេតុបច្ចយា. ហេតុំ អាសវំ ធម្មំ បដិច្ច ហេតុ អាសវោ ច នហេតុ អាសវោ ច ធម្មា ឧប្បជ្ជន្តិ ហេតុបច្ចយា. (៣)

នហេតុំ អាសវំ ធម្មំ បដិច្ច នហេតុ អាសវោ ធម្មោ ឧប្បជ្ជតិ ហេតុបច្ចយា. (១)

ហេតុំ អាសវញ្ច នហេតុំ អាសវញ្ច ធម្មំ បដិច្ច ហេតុ អាសវោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

ហេតុយា បញ្ច, អារម្មណេ បញ្ច…បេ… អវិគតេ បញ្ច. (សព្ពត្ថ វិត្ថារោ.)

៣៣. ហេតុំ នោអាសវំ ធម្មំ បដិច្ច ហេតុ នោអាសវោ ធម្មោ ឧប្បជ្ជតិ ហេតុបច្ចយា… តីណិ.

នហេតុំ នោអាសវំ ធម្មំ បដិច្ច នហេតុ នោអាសវោ ធម្មោ ឧប្បជ្ជតិ ហេតុបច្ចយា… តីណិ.

ហេតុំ នោអាសវញ្ច នហេតុំ នោអាសវញ្ច ធម្មំ បដិច្ច ហេតុ នោអាសវោ ធម្មោ ឧប្បជ្ជតិ ហេតុបច្ចយា… តីណិ. (សំខិត្តំ.)

ហេតុយា នវ…បេ… អវិគតេ នវ. (សព្ពត្ថ វិត្ថារោ.)