១-១១. ហេតុទុក-លោកិយទុកំ

២៨. ហេតុំ លោកិយំ ធម្មំ បដិច្ច ហេតុ លោកិយោ ធម្មោ ឧប្បជ្ជតិ ហេតុបច្ចយា… តីណិ.

នហេតុំ លោកិយំ ធម្មំ បដិច្ច នហេតុ លោកិយោ ធម្មោ ឧប្បជ្ជតិ ហេតុបច្ចយា… តីណិ.

ហេតុំ លោកិយញ្ច នហេតុំ លោកិយញ្ច ធម្មំ បដិច្ច ហេតុ លោកិយោ ធម្មោ ឧប្បជ្ជតិ ហេតុបច្ចយា… តីណិ. (សំខិត្តំ.)

ហេតុយា នវ, អារម្មណេ នវ…បេ… អវិគតេ នវ. (សំខិត្តំ.)

(សហជាតវារម្បិ…បេ… បញ្ហាវារម្បិ ឯវំ វិត្ថារេតព្ពំ.)

២៩. ហេតុំ លោកុត្តរំ ធម្មំ បដិច្ច ហេតុ លោកុត្តរោ ធម្មោ ឧប្បជ្ជតិ ហេតុបច្ចយា… តីណិ.

នហេតុំ លោកុត្តរំ ធម្មំ បដិច្ច នហេតុ លោកុត្តរោ ធម្មោ ឧប្បជ្ជតិ ហេតុបច្ចយា… តីណិ.

ហេតុំ លោកុត្តរញ្ច នហេតុំ លោកុត្តរញ្ច ធម្មំ បដិច្ច ហេតុ លោកុត្តរោ ធម្មោ ឧប្បជ្ជតិ ហេតុបច្ចយា… តីណិ. (សំខិត្តំ.)

ហេតុយា នវ, អារម្មណេ នវ…បេ… អវិគតេ នវ. (សំខិត្តំ.)

(សហជាតវារម្បិ…បេ… សម្បយុត្តវារម្បិ បញ្ហាវារម្បិ បដិច្ចវារសទិសំ វិត្ថារេតព្ពំ.)