១-៧. បដិច្ចវារាទិ

បច្ចយចតុក្កំ

២០. ហេតុំ សប្បច្ចយំ ធម្មំ បដិច្ច ហេតុ សប្បច្ចយោ ធម្មោ ឧប្បជ្ជតិ ហេតុបច្ចយា… តីណិ.

នហេតុំ សប្បច្ចយំ ធម្មំ បដិច្ច នហេតុ សប្បច្ចយោ ធម្មោ ឧប្បជ្ជតិ ហេតុបច្ចយា… តីណិ.

ហេតុំ សប្បច្ចយញ្ច នហេតុំ សប្បច្ចយញ្ច ធម្មំ បដិច្ច ហេតុ សប្បច្ចយោ ធម្មោ ឧប្បជ្ជតិ ហេតុបច្ចយា… តីណិ. (សំខិត្តំ.)

ហេតុយា នវ, អារម្មណេ នវ…បេ… អវិគតេ នវ. (សំខិត្តំ.)

(សហជាតវារម្បិ…បេ… សម្បយុត្តវារម្បិ បដិច្ចវារសទិសំ.)

២១. ហេតុ សប្បច្ចយោ ធម្មោ ហេតុស្ស សប្បច្ចយស្ស ធម្មស្ស ហេតុបច្ចយេន បច្ចយោ. (សំខិត្តំ.)

ហេតុយា តីណិ. (សំខិត្តំ. បញ្ហាវារម្បិ ឯវំ វិត្ថារេតព្ពំ.)