២២-២០-២១. សនិទស្សនត្តិក-អជ្ឈត្តត្តិកទ្វយំ

៦៧. នសនិទស្សនសប្បដិឃោ នអជ្ឈត្តោ ធម្មោ អនិទស្សនអប្បដិឃស្ស អជ្ឈត្តស្ស ធម្មស្ស អារម្មណបច្ចយេន បច្ចយោ. (សំខិត្តំ.) អារម្មណេ ឆ, អធិបតិយា ឆ, បុរេជាតេ អត្ថិយា អវិគតេ ឆ.

នសនិទស្សនសប្បដិឃោ នពហិទ្ធា ធម្មោ អនិទស្សនអប្បដិឃស្ស ពហិទ្ធា ធម្មស្ស អារម្មណបច្ចយេន បច្ចយោ. (សំខិត្តំ.) អារម្មណេ ឆ, អធិបតិយា ឆ, បុរេជាតេ អត្ថិយា អវិគតេ ឆ.

៦៨. នសនិទស្សនសប្បដិឃំ នអជ្ឈត្តារម្មណំ ធម្មំ បដិច្ច អនិទស្សនអប្បដិឃោ អជ្ឈត្តារម្មណោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

នសនិទស្សនសប្បដិឃំ នពហិទ្ធារម្មណំ ធម្មំ បដិច្ច អនិទស្សនអប្បដិឃោ ពហិទ្ធារម្មណោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

(សហជាតវារម្បិ បច្ចយវារម្បិ និស្សយវារម្បិ សំសដ្ឋវារម្បិ សម្បយុត្តវារម្បិ បញ្ហាវារម្បិ វិត្ថារេតព្ពំ.)

ធម្មបច្ចនីយានុលោមេ តិកតិកបដ្ឋានំ និដ្ឋិតំ.