២២-១. សនិទស្សនត្តិក-កុសលត្តិកំ

៤៨. នសនិទស្សនសប្បដិឃំ នកុសលំ ធម្មំ បច្ចយា អនិទស្សនអប្បដិឃោ កុសលោ ធម្មោ ឧប្បជ្ជតិ ហេតុបច្ចយា. នអនិទស្សនសប្បដិឃំ នកុសលំ ធម្មំ បច្ចយា អនិទស្សនអប្បដិឃោ កុសលោ ធម្មោ ឧប្បជ្ជតិ ហេតុបច្ចយា. នសនិទស្សនសប្បដិឃំ នកុសលញ្ច នអនិទស្សនសប្បដិឃំ នកុសលញ្ច ធម្មំ បច្ចយា អនិទស្សនអប្បដិឃោ កុសលោ ធម្មោ ឧប្បជ្ជតិ ហេតុបច្ចយា. ហេតុយា តីណិ.

នសនិទស្សនសប្បដិឃំ នអកុសលំ ធម្មំ បច្ចយា អនិទស្សនអប្បដិឃោ អកុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

នសនិទស្សនសប្បដិឃំ នអព្យាកតំ ធម្មំ បដិច្ច សនិទស្សនសប្បដិឃោ អព្យាកតោ ធម្មោ ឧប្បជ្ជតិ ហេតុបច្ចយា… សត្ត.

(នអនិទស្សនសប្បដិឃនអព្យាកតមូលានិ សត្តមេវ, ទុកមូលានិ សត្តមេវ, សព្ពំ ឯកវីសតិមេវ.)