៩-១. ទស្សនហេតុត្តិក-កុសលត្តិកំ

៣៦. នទស្សនេន បហាតព្ពហេតុកំ នកុសលំ ធម្មំ បច្ចយា នេវទស្សនេន នភាវនាយ បហាតព្ពហេតុកោ កុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

នទស្សនេន បហាតព្ពហេតុកំ នអកុសលំ ធម្មំ បច្ចយា ទស្សនេន បហាតព្ពហេតុកោ អកុសលោ ធម្មោ ឧប្បជ្ជតិ ហេតុបច្ចយា… ហេតុយា ឆ.

ននេវទស្សនេន នភាវនាយ បហាតព្ពហេតុកំ នអព្យាកតំ ធម្មំ បដិច្ច នេវទស្សនេន នភាវនាយ បហាតព្ពហេតុកោ អព្យាកតោ ធម្មោ ឧប្បជ្ជតិ ហេតុបច្ចយា… ហេតុយា ឆ.