១-២. កុសលត្តិក-វិបាកត្តិកំ

៤. នកុសលំ នវិបាកំ ធម្មំ បដិច្ច អព្យាកតោ វិបាកោ ធម្មោ ឧប្បជ្ជតិ ហេតុបច្ចយា. ឯកំ.

នអកុសលំ នវិបាកំ ធម្មំ បដិច្ច អព្យាកតោ វិបាកោ ធម្មោ ឧប្បជ្ជតិ ហេតុបច្ចយា. ឯកំ.

នកុសលំ នវិបាកញ្ច នអកុសលំ នវិបាកញ្ច ធម្មំ បដិច្ច អព្យាកតោ វិបាកោ ធម្មោ ឧប្បជ្ជតិ ហេតុបច្ចយា. ឯកំ. ហេតុយា តីណិ.

៥. នកុសលំ នវិបាកធម្មធម្មំ បច្ចយា កុសលោ វិបាកធម្មធម្មោ ឧប្បជ្ជតិ ហេតុបច្ចយា. នកុសលំ នវិបាកធម្មធម្មំ បច្ចយា អកុសលោ វិបាកធម្មធម្មោ ឧប្បជ្ជតិ ហេតុបច្ចយា. ទ្វេ.

នអកុសលំ នវិបាកធម្មធម្មំ បច្ចយា អកុសលោ វិបាកធម្មធម្មោ ឧប្បជ្ជតិ ហេតុបច្ចយា… ទ្វេ.

នកុសលំ នវិបាកធម្មធម្មញ្ច នអកុសលំ នវិបាកធម្មធម្មញ្ច ធម្មំ បច្ចយា កុសលោ វិបាកធម្មធម្មោ ឧប្បជ្ជតិ ហេតុបច្ចយា… ទ្វេ. (សំខិត្តំ.) ហេតុយា ឆ បញ្ហា.

៦. នកុសលំ ននេវវិបាកនវិបាកធម្មធម្មំ បដិច្ច អព្យាកតោ នេវវិបាកនវិបាកធម្មធម្មោ ឧប្បជ្ជតិ ហេតុបច្ចយា… ហេតុយា ឆ.