២២-១. សនិទស្សនត្តិក-កុសលត្តិកំ

៤៤. អនិទស្សនអប្បដិឃំ កុសលំ ធម្មំ បដិច្ច នអនិទស្សនអប្បដិឃោ នកុសលោ ធម្មោ ឧប្បជ្ជតិ ហេតុបច្ចយា. អនិទស្សនអប្បដិឃំ កុសលំ ធម្មំ បដិច្ច នសនិទស្សនសប្បដិឃោ នកុសលោ ធម្មោ ឧប្បជ្ជតិ ហេតុបច្ចយា…បេ… អនិទស្សនអប្បដិឃំ កុសលំ ធម្មំ បដិច្ច នសនិទស្សនសប្បដិឃោ នកុសលោ ច នអនិទស្សនសប្បដិឃោ នកុសលោ ច ធម្មា ឧប្បជ្ជន្តិ ហេតុបច្ចយា… ហេតុយា ឆ.

អនិទស្សនអប្បដិឃំ អកុសលំ ធម្មំ បដិច្ច នអនិទស្សនអប្បដិឃោ នអកុសលោ ធម្មោ ឧប្បជ្ជតិ ហេតុបច្ចយា. អនិទស្សនអប្បដិឃំ អកុសលំ ធម្មំ បដិច្ច នសនិទស្សនសប្បដិឃោ នកុសលោ ធម្មោ ឧប្បជ្ជតិ ហេតុបច្ចយា…បេ… អនិទស្សនអប្បដិឃំ អកុសលំ ធម្មំ បដិច្ច នសនិទស្សនសប្បដិឃោ នកុសលោ ច នអនិទស្សនសប្បដិឃោ នអកុសលោ ច ធម្មា ឧប្បជ្ជន្តិ ហេតុបច្ចយា (សំខិត្តំ.) ហេតុយា ឆ…បេ… អវិគតេ ឆ.

អនិទស្សនអប្បដិឃំ អព្យាកតំ ធម្មំ បច្ចយា នសនិទស្សនសប្បដិឃោ នអព្យាកតោ ធម្មោ ឧប្បជ្ជតិ ហេតុបច្ចយា. អនិទស្សនអប្បដិឃំ អព្យាកតំ ធម្មំ បច្ចយា នអនិទស្សនសប្បដិឃោ នអព្យាកតោ ធម្មោ ឧប្បជ្ជតិ ហេតុបច្ចយា. អនិទស្សនអប្បដិឃំ អព្យាកតំ ធម្មំ បច្ចយា នសនិទស្សនសប្បដិឃោ នអព្យាកតោ ច នអនិទស្សនសប្បដិឃោ នអព្យាកតោ ច ធម្មា ឧប្បជ្ជន្តិ ហេតុបច្ចយា… ហេតុយា តីណិ…បេ… អវិគតេ តីណិ.