២២-៥៨. សនិទស្សនត្តិក-ចិត្តសម្បយុត្តទុកំ

១១៤. អនិទស្សនអប្បដិឃំ ចិត្តសម្បយុត្តំ ធម្មំ បដិច្ច នអនិទស្សនអប្បដិឃោ នចិត្តសម្បយុត្តោ ធម្មោ ឧប្បជ្ជតិ ហេតុបច្ចយា. អនិទស្សនអប្បដិឃំ ចិត្តសម្បយុត្តំ ធម្មំ បដិច្ច នសនិទស្សនសប្បដិឃោ នចិត្តសម្បយុត្តោ ធម្មោ ឧប្បជ្ជតិ ហេតុបច្ចយា …បេ… អនិទស្សនអប្បដិឃំ ចិត្តសម្បយុត្តំ ធម្មំ បដិច្ច នសនិទស្សនសប្បដិឃោ នចិត្តសម្បយុត្តោ ច នអនិទស្សនសប្បដិឃោ នចិត្តសម្បយុត្តោ ច ធម្មា ឧប្បជ្ជន្តិ ហេតុបច្ចយា… ហេតុយា ឆ.