២២-១៧. សនិទស្សនត្តិក-អាសវសាសវទុកំ

១០៤. អនិទស្សនអប្បដិឃំ អាសវញ្ចេវ សាសវញ្ច ធម្មំ បដិច្ច នអនិទស្សនអប្បដិឃោ នអាសវោ ចេវ នអនាសវោ ច ធម្មោ ឧប្បជ្ជតិ ហេតុបច្ចយា. អនិទស្សនអប្បដិឃំ អាសវញ្ចេវ សាសវញ្ច ធម្មំ បដិច្ច នសនិទស្សនសប្បដិឃោ នអាសវោ ចេវ នអនាសវោ ច ធម្មោ ឧប្បជ្ជតិ ហេតុបច្ចយា…បេ… អនិទស្សនអប្បដិឃំ អាសវញ្ចេវ សាសវញ្ច ធម្មំ បដិច្ច នសនិទស្សនសប្បដិឃោ នអាសវោ ចេវ នអនាសវោ ច នអនិទស្សនសប្បដិឃោ នអាសវោ ចេវ នអនាសវោ ច ធម្មា ឧប្បជ្ជន្តិ ហេតុបច្ចយា… ហេតុយា ឆ.

អនិទស្សនអប្បដិឃំ សាសវញ្ចេវ នោ ច អាសវំ ធម្មំ បដិច្ច នសនិទស្សនសប្បដិឃោ នអនាសវោ ចេវ ននោអាសវោ ច ធម្មោ ឧប្បជ្ជតិ ហេតុបច្ចយា. អនិទស្សនអប្បដិឃំ សាសវញ្ចេវ នោ ច អាសវំ ធម្មំ បដិច្ច នអនិទស្សនសប្បដិឃោ នអនាសវោ ចេវ ននោ ច អាសវោ ធម្មោ ឧប្បជ្ជតិ ហេតុបច្ចយា. អនិទស្សនសប្បដិឃំ សាសវញ្ចេវ នោ ច អាសវំ ធម្មំ បដិច្ច នសនិទស្សនសប្បដិឃោ នអនាសវោ ចេវ ននោ ច អាសវោ នអនិទស្សនសប្បដិឃោ នអនាសវោ ចេវ ននោ អាសវោ ច ធម្មា ឧប្បជ្ជន្តិ ហេតុបច្ចយា. ហេតុយា តីណិ.