២២-១៣. សនិទស្សនត្តិក-កេនចិវិញ្ញេយ្យទុកំ

១០០. អនិទស្សនសប្បដិឃំ កេនចិ វិញ្ញេយ្យំ ធម្មំ បដិច្ច នអនិទស្សនសប្បដិឃោ នកេនចិ វិញ្ញេយ្យោ ធម្មោ ឧប្បជ្ជតិ ហេតុបច្ចយា. អនិទស្សនសប្បដិឃំ កេនចិ វិញ្ញេយ្យំ ធម្មំ បដិច្ច នសនិទស្សនសប្បដិឃោ នកេនចិ វិញ្ញេយ្យោ ធម្មោ ឧប្បជ្ជតិ ហេតុបច្ចយា. អនិទស្សនសប្បដិឃំ កេនចិ វិញ្ញេយ្យំ ធម្មំ បដិច្ច នអនិទស្សនអប្បដិឃោ នកេនចិ វិញ្ញេយ្យោ ធម្មោ ឧប្បជ្ជតិ ហេតុបច្ចយា…បេ… អនិទស្សនសប្បដិឃំ កេនចិ វិញ្ញេយ្យំ ធម្មំ បដិច្ច នសនិទស្សនសប្បដិឃោ នកេនចិ វិញ្ញេយ្យោ ច នអនិទស្សនសប្បដិឃោ នកេនចិ វិញ្ញេយ្យោ ច ធម្មា ឧប្បជ្ជន្តិ ហេតុបច្ចយា… ឆ.

អនិទស្សនអប្បដិឃំ កេនចិ វិញ្ញេយ្យំ ធម្មំ បដិច្ច នអនិទស្សនអប្បដិឃោ នកេនចិ វិញ្ញេយ្យោ ធម្មោ ឧប្បជ្ជតិ ហេតុបច្ចយា… ឆ.

អនិទស្សនសប្បដិឃំ កេនចិ វិញ្ញេយ្យញ្ច អនិទស្សនអប្បដិឃំ កេនចិ វិញ្ញេយ្យញ្ច ធម្មំ បដិច្ច នសនិទស្សនសប្បដិឃោ នកេនចិ វិញ្ញេយ្យោ ធម្មោ ឧប្បជ្ជតិ ហេតុបច្ចយា… ឆ… ហេតុយា អដ្ឋារស.

អនិទស្សនសប្បដិឃំ កេនចិ វិញ្ញេយ្យំ ធម្មំ បដិច្ច នសនិទស្សនសប្បដិឃោ ននកេនចិ វិញ្ញេយ្យោ ធម្មោ ឧប្បជ្ជតិ ហេតុបច្ចយា… ហេតុយា អដ្ឋារស.