៣-១. វិបាកត្តិក-ហេតុទុកំ

៦៧. វិបាកំ ហេតុំ ធម្មំ បដិច្ច នវិបាកោ នហេតុ ធម្មោ ឧប្បជ្ជតិ ហេតុបច្ចយា. វិបាកំ ហេតុំ ធម្មំ បដិច្ច នវិបាកធម្មធម្មោ នហេតុ ធម្មោ ឧប្បជ្ជតិ ហេតុបច្ចយា. វិបាកំ ហេតុំ ធម្មំ បដិច្ច ននេវវិបាកនវិបាកធម្មធម្មោ នហេតុ ធម្មោ ឧប្បជ្ជតិ ហេតុបច្ចយា. វិបាកំ ហេតុំ ធម្មំ បដិច្ច នវិបាកធម្មធម្មោ នហេតុ ច ននេវវិបាកនវិបាកធម្មធម្មោ នហេតុ ច ធម្មា ឧប្បជ្ជន្តិ ហេតុបច្ចយា. វិបាកំ ហេតុំ ធម្មំ បដិច្ច នវិបាកោ នហេតុ ច នវិបាកធម្មធម្មោ នហេតុ ច ធម្មា ឧប្បជ្ជន្តិ ហេតុបច្ចយា. បញ្ច.

វិបាកធម្មធម្មំ ហេតុំ ធម្មំ បដិច្ច នវិបាកធម្មធម្មោ នហេតុ ធម្មោ ឧប្បជ្ជតិ ហេតុបច្ចយា. វិបាកធម្មធម្មំ ហេតុំ ធម្មំ បដិច្ច នវិបាកោ នហេតុ ធម្មោ ឧប្បជ្ជតិ ហេតុបច្ចយា. វិបាកធម្មធម្មំ ហេតុំ ធម្មំ បដិច្ច ននេវវិបាកនវិបាកធម្មធម្មោ នហេតុ ធម្មោ ឧប្បជ្ជតិ ហេតុបច្ចយា. វិបាកធម្មធម្មំ ហេតុំ ធម្មំ បដិច្ច នវិបាកោ នហេតុ ច ននេវវិបាកនវិបាកធម្មធម្មោ នហេតុ ច ធម្មា ឧប្បជ្ជន្តិ ហេតុបច្ចយា. វិបាកធម្មធម្មំ ហេតុំ ធម្មំ បដិច្ច នវិបាកោ នហេតុ ច នវិបាកធម្មធម្មោ នហេតុ ច ធម្មា ឧប្បជ្ជន្តិ ហេតុបច្ចយា. បញ្ច.

នេវវិបាកនវិបាកធម្មធម្មំ ហេតុំ ធម្មំ បដិច្ច នវិបាកោ នហេតុ ធម្មោ ឧប្បជ្ជតិ ហេតុបច្ចយា. នេវវិបាកនវិបាកធម្មធម្មំ ហេតុំ ធម្មំ បដិច្ច នវិបាកធម្មធម្មោ នហេតុ ធម្មោ ឧប្បជ្ជតិ ហេតុបច្ចយា. នេវវិបាកនវិបាកធម្មធម្មំ ហេតុំ ធម្មំ បដិច្ច នវិបាកោ នហេតុ ច នវិបាកធម្មធម្មោ នហេតុ ច ធម្មា ឧប្បជ្ជន្តិ ហេតុបច្ចយា. តីណិ… ហេតុយា តេរស.

៦៨. វិបាកំ នហេតុំ ធម្មំ បដិច្ច នវិបាកធម្មធម្មោ ននហេតុ ធម្មោ ឧប្បជ្ជតិ ហេតុបច្ចយា. វិបាកំ នហេតុំ ធម្មំ បដិច្ច ននេវវិបាកនវិបាកធម្មធម្មោ ននហេតុ ធម្មោ ឧប្បជ្ជតិ ហេតុបច្ចយា. វិបាកំ នហេតុំ ធម្មំ បដិច្ច នវិបាកធម្មធម្មោ ននហេតុ ច ននេវវិបាកនវិបាកធម្មធម្មោ ននហេតុ ច ធម្មា ឧប្បជ្ជន្តិ ហេតុបច្ចយា. តីណិ.

វិបាកធម្មធម្មំ នហេតុំ ធម្មំ បដិច្ច នវិបាកោ ននហេតុ ធម្មោ ឧប្បជ្ជតិ ហេតុបច្ចយា. វិបាកធម្មធម្មំ នហេតុំ ធម្មំ បដិច្ច ននេវវិបាកនវិបាកធម្មធម្មោ ននហេតុ ធម្មោ ឧប្បជ្ជតិ ហេតុបច្ចយា. វិបាកធម្មធម្មំ នហេតុំ ធម្មំ បដិច្ច នវិបាកោ ននហេតុ ច ននេវវិបាកនវិបាកធម្មធម្មោ ននហេតុ ច ធម្មា ឧប្បជ្ជន្តិ ហេតុបច្ចយា. តីណិ.

នេវវិបាកនវិបាកធម្មធម្មំ នហេតុំ ធម្មំ បដិច្ច ននេវវិបាកនវិបាកធម្មធម្មោ ននហេតុ ធម្មោ ឧប្បជ្ជតិ ហេតុបច្ចយា. នេវវិបាកនវិបាកធម្មធម្មំ នហេតុំ ធម្មំ បដិច្ច នវិបាកោ ននហេតុ ធម្មោ ឧប្បជ្ជតិ ហេតុបច្ចយា…បេ…. នេវវិបាកនវិបាកធម្មធម្មំ នហេតុញ្ច ធម្មំ បដិច្ច នវិបាកោ ននហេតុ ច នវិបាកធម្មធម្មោ ននហេតុ ច ធម្មា ឧប្បជ្ជន្តិ ហេតុបច្ចយា… បញ្ច.

វិបាកំ នហេតុញ្ច នេវវិបាកនវិបាកធម្មធម្មំ នហេតុញ្ច ធម្មំ បដិច្ច នវិបាកធម្មធម្មោ ននហេតុ ធម្មោ ឧប្បជ្ជតិ ហេតុបច្ចយា… តីណិ… ហេតុយា ចុទ្ទស.