១-៦៦-៦៨. កុសលត្តិក-អជ្ឈត្តិកាទិទុកានិ

៤៣. កុសលំ អជ្ឈត្តិកំ ធម្មំ បដិច្ច… (សំខិត្តំ, ចិត្តទុកសទិសំ).

កុសលំ ពាហិរំ ធម្មំ បដិច្ច នអកុសលោ នពាហិរោ ធម្មោ ឧប្បជ្ជតិ ហេតុបច្ចយា… តីណិ.

៤៤. អព្យាកតំ ឧបាទា ធម្មំ បដិច្ច នកុសលោ នឧបាទា ធម្មោ ឧប្បជ្ជតិ ហេតុបច្ចយា… ហេតុយា តីណិ.

កុសលំ នោឧបាទា ធម្មំ បដិច្ច នកុសលោ ននោឧបាទា ធម្មោ ឧប្បជ្ជតិ ហេតុបច្ចយា… តីណិ… នវ.

៤៥. អព្យាកតំ ឧបាទិន្នំ ធម្មំ បដិច្ច នកុសលោ នឧបាទិន្នោ ធម្មោ ឧប្បជ្ជតិ ហេតុបច្ចយា. អព្យាកតំ ឧបាទិន្នំ ធម្មំ បដិច្ច នអកុសលោ នឧបាទិន្នោ ធម្មោ ឧប្បជ្ជតិ ហេតុបច្ចយា. អព្យាកតំ ឧបាទិន្នំ ធម្មំ បដិច្ច នកុសលោ នឧបាទិន្នោ ច នអកុសលោ នឧបាទិន្នោ ច ធម្មា ឧប្បជ្ជន្តិ ហេតុបច្ចយា. ហេតុយា តីណិ.