១-៦០. កុសលត្តិក-ចិត្តសមុដ្ឋានទុកំ

៣៨. កុសលំ ចិត្តសមុដ្ឋានំ ធម្មំ បដិច្ច នអកុសលោ នចិត្តសមុដ្ឋានោ ធម្មោ ឧប្បជ្ជតិ ហេតុបច្ចយា. កុសលំ ចិត្តសមុដ្ឋានំ ធម្មំ បដិច្ច នអព្យាកតោ នចិត្តសមុដ្ឋានោ ធម្មោ ឧប្បជ្ជតិ ហេតុបច្ចយា. កុសលំ ចិត្តសមុដ្ឋានំ ធម្មំ បដិច្ច នអកុសលោ នចិត្តសមុដ្ឋានោ ច នអព្យាកតោ នចិត្តសមុដ្ឋានោ ច ធម្មា ឧប្បជ្ជន្តិ ហេតុបច្ចយា. តីណិ.

អកុសលំ ចិត្តសមុដ្ឋានំ ធម្មំ បដិច្ច នអកុសលោ នចិត្តសមុដ្ឋានោ ធម្មោ ឧប្បជ្ជតិ ហេតុបច្ចយា. អកុសលំ ចិត្តសមុដ្ឋានំ ធម្មំ បដិច្ច នអព្យាកតោ នចិត្តសមុដ្ឋានោ ធម្មោ ឧប្បជ្ជតិ ហេតុបច្ចយា. អកុសលំ ចិត្តសមុដ្ឋានំ ធម្មំ បដិច្ច នកុសលោ នចិត្តសមុដ្ឋានោ ច នអព្យាកតោ នចិត្តសមុដ្ឋានោ ច ធម្មា ឧប្បជ្ជន្តិ ហេតុបច្ចយា. តីណិ.

អព្យាកតំ ចិត្តសមុដ្ឋានំ ធម្មំ បដិច្ច នកុសលោ នចិត្តសមុដ្ឋានោ ធម្មោ ឧប្បជ្ជតិ ហេតុបច្ចយា… តីណិ. ហេតុយា នវ…បេ… អវិគតេ នវ.

៣៩. កុសលំ នោចិត្តសមុដ្ឋានំ ធម្មំ បដិច្ច នកុសលោ ននោចិត្តសមុដ្ឋានោ ធម្មោ ឧប្បជ្ជតិ ហេតុបច្ចយា… បញ្ច.

អកុសលំ នោចិត្តសមុដ្ឋានំ ធម្មំ បដិច្ច នអកុសលោ ននោចិត្តសមុដ្ឋានោ ធម្មោ ឧប្បជ្ជតិ ហេតុបច្ចយា… បញ្ច.

អព្យាកតំ នោចិត្តសមុដ្ឋានំ ធម្មំ បដិច្ច នកុសលោ ននោចិត្តសមុដ្ឋានោ ធម្មោ ឧប្បជ្ជតិ ហេតុបច្ចយា… តីណិ. ហេតុយា តេរស…បេ… អវិគតេ តេរស.