១-៥៨. កុសលត្តិក-ចិត្តសម្បយុត្តទុកំ

៣៦. កុសលំ ចិត្តសម្បយុត្តំ ធម្មំ បដិច្ច នកុសលោ នចិត្តសម្បយុត្តោ ធម្មោ ឧប្បជ្ជតិ ហេតុបច្ចយា. កុសលំ ចិត្តសម្បយុត្តំ ធម្មំ បដិច្ច នអកុសលោ នចិត្តសម្បយុត្តោ ធម្មោ ឧប្បជ្ជតិ ហេតុបច្ចយា. កុសលំ ចិត្តសម្បយុត្តំ ធម្មំ បដិច្ច នអព្យាកតោ នចិត្តសម្បយុត្តោ ធម្មោ ឧប្បជ្ជតិ ហេតុបច្ចយា. កុសលំ ចិត្តសម្បយុត្តំ ធម្មំ បដិច្ច នអកុសលោ នចិត្តសម្បយុត្តោ ច នអព្យាកតោ នចិត្តសម្បយុត្តោ ច ធម្មា ឧប្បជ្ជន្តិ ហេតុបច្ចយា. កុសលំ ចិត្តសម្បយុត្តំ ធម្មំ បដិច្ច នកុសលោ នចិត្តសម្បយុត្តោ ច នអកុសលោ នចិត្តសម្បយុត្តោ ច ធម្មា ឧប្បជ្ជន្តិ ហេតុបច្ចយា. បញ្ច.

អកុសលំ ចិត្តសម្បយុត្តំ ធម្មំ បដិច្ច នអកុសលោ នចិត្តសម្បយុត្តោ ធម្មោ ឧប្បជ្ជតិ ហេតុបច្ចយា… បញ្ច.

អព្យាកតំ ចិត្តសម្បយុត្តំ ធម្មំ បដិច្ច នកុសលោ នចិត្តសម្បយុត្តោ ធម្មោ ឧប្បជ្ជតិ ហេតុបច្ចយា. អព្យាកតំ ចិត្តសម្បយុត្តំ ធម្មំ បដិច្ច នអកុសលោ នចិត្តសម្បយុត្តោ ធម្មោ ឧប្បជ្ជតិ ហេតុបច្ចយា. អព្យាកតំ ចិត្តសម្បយុត្តំ ធម្មំ បដិច្ច នកុសលោ នចិត្តសម្បយុត្តោ ច នអកុសលោ នចិត្តសម្បយុត្តោ ច ធម្មា ឧប្បជ្ជន្តិ ហេតុបច្ចយា. តីណិ. (សំខិត្តំ.) ហេតុយា តេរស. ចិត្តវិប្បយុត្តេ តីណិ.