១-៥៦. កុសលត្តិក-ចិត្តទុកំ

៣៣. កុសលំ ចិត្តំ ធម្មំ បដិច្ច នកុសលោ នចិត្តោ ធម្មោ ឧប្បជ្ជតិ ហេតុបច្ចយា. កុសលំ ចិត្តំ ធម្មំ បដិច្ច នអកុសលោ នចិត្តោ ធម្មោ ឧប្បជ្ជតិ ហេតុបច្ចយា. កុសលំ ចិត្តំ ធម្មំ បដិច្ច នអព្យាកតោ នចិត្តោ ធម្មោ ឧប្បជ្ជតិ ហេតុបច្ចយា. កុសលំ ចិត្តំ ធម្មំ បដិច្ច នអកុសលោ នចិត្តោ ច នអព្យាកតោ នចិត្តោ ច ធម្មា ឧប្បជ្ជន្តិ ហេតុបច្ចយា. កុសលំ ចិត្តំ ធម្មំ បដិច្ច នកុសលោ នចិត្តោ ច នអកុសលោ នចិត្តោ ច ធម្មា ឧប្បជ្ជន្តិ ហេតុបច្ចយា. បញ្ច.

អកុសលំ ចិត្តំ ធម្មំ បដិច្ច នអកុសលោ នចិត្តោ ធម្មោ ឧប្បជ្ជតិ ហេតុបច្ចយា. អកុសលំ ចិត្តំ ធម្មំ បដិច្ច នកុសលោ នចិត្តោ ធម្មោ ឧប្បជ្ជតិ ហេតុបច្ចយា. អកុសលំ ចិត្តំ ធម្មំ បដិច្ច នអព្យាកតោ នចិត្តោ ធម្មោ ឧប្បជ្ជតិ ហេតុបច្ចយា. អកុសលំ ចិត្តំ ធម្មំ បដិច្ច នកុសលោ នចិត្តោ ច នអព្យាកតោ នចិត្តោ ច ធម្មា ឧប្បជ្ជន្តិ ហេតុបច្ចយា. អកុសលំ ចិត្តំ ធម្មំ បដិច្ច នកុសលោ នចិត្តោ ច នអកុសលោ នចិត្តោ ច ធម្មា ឧប្បជ្ជន្តិ ហេតុបច្ចយា. បញ្ច.

អព្យាកតំ ចិត្តំ ធម្មំ បដិច្ច នកុសលោ នចិត្តោ ធម្មោ ឧប្បជ្ជតិ ហេតុបច្ចយា. អព្យាកតំ ចិត្តំ ធម្មំ បដិច្ច នអកុសលោ នចិត្តោ ធម្មោ ឧប្បជ្ជតិ ហេតុបច្ចយា. អព្យាកតំ ចិត្តំ ធម្មំ បដិច្ច នកុសលោ នចិត្តោ ច នអកុសលោ នចិត្តោ ច ធម្មា ឧប្បជ្ជន្តិ ហេតុបច្ចយា. តីណិ. ហេតុយា តេរស.

៣៤. កុសលំ នោចិត្តំ ធម្មំ បដិច្ច នអកុសលោ ននោចិត្តោ ធម្មោ ឧប្បជ្ជតិ ហេតុបច្ចយា. កុសលំ នោចិត្តំ ធម្មំ បដិច្ច នអព្យាកតោ ននោចិត្តោ ធម្មោ ឧប្បជ្ជតិ ហេតុបច្ចយា. កុសលំ នោចិត្តំ ធម្មំ បដិច្ច នអកុសលោ ននោចិត្តោ ច នអព្យាកតោ ននោចិត្តោ ច ធម្មា ឧប្បជ្ជន្តិ ហេតុបច្ចយា. តីណិ.

អកុសលំ នោចិត្តំ ធម្មំ បដិច្ច នកុសលោ ននោចិត្តោ ធម្មោ ឧប្បជ្ជតិ ហេតុបច្ចយា. អកុសលំ នោចិត្តំ ធម្មំ បដិច្ច នអព្យាកតោ ននោចិត្តោ ធម្មោ ឧប្បជ្ជតិ ហេតុបច្ចយា. អកុសលំ នោចិត្តំ ធម្មំ បដិច្ច នកុសលោ ននោចិត្តោ ច នអព្យាកតោ ននោចិត្តោ ច ធម្មា ឧប្បជ្ជន្តិ ហេតុបច្ចយា. តីណិ.

អព្យាកតានិ តីណិ. ហេតុយា នវ.