១០០-២២. សរណទុក-សនិទស្សនត្តិកំ

១០២. អរណំ អនិទស្សនសប្បដិឃំ ធម្មំ បដិច្ច នសរណោ នអនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា. (ឯកំ.)

សរណំ អនិទស្សនអប្បដិឃំ ធម្មំ បដិច្ច នសរណោ នអនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា. អរណំ អនិទស្សនអប្បដិឃំ ធម្មំ បដិច្ច នសរណោ នអនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា. សរណំ អនិទស្សនអប្បដិឃញ្ច អរណំ អនិទស្សនអប្បដិឃញ្ច ធម្មំ បដិច្ច នសរណោ នអនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា. (៣)

ហេតុយា តីណិ…បេ… អវិគតេ តីណិ.

នហេតុ-នអារម្មណបច្ចយា

១០៣. អរណំ អនិទស្សនអប្បដិឃំ ធម្មំ បដិច្ច នសរណោ នអនិទស្សនអប្បដិឃោ ធម្មោ ឧប្បជ្ជតិ នហេតុបច្ចយា. (១)

សរណំ អនិទស្សនអប្បដិឃំ ធម្មំ បដិច្ច នសរណោ នអនិទស្សនអប្បដិឃោ ធម្មោ ឧប្បជ្ជតិ នអារម្មណបច្ចយា.

នហេតុយា ឯកំ, នអារម្មណេ តីណិ…បេ… នោវិគតេ តីណិ.

(សហជាតវារម្បិ…បេ… សម្បយុត្តវារម្បិ បដិច្ចវារសទិសំ.)

១០៤. សរណោ អនិទស្សនអប្បដិឃោ ធម្មោ នសរណស្ស នអនិទស្សនអប្បដិឃស្ស ធម្មស្ស ហេតុបច្ចយេន បច្ចយោ. (១)

អរណោ អនិទស្សនអប្បដិឃោ ធម្មោ នសរណស្ស នអនិទស្សនអប្បដិឃស្ស ធម្មស្ស ហេតុបច្ចយេន បច្ចយោ. (១)

ហេតុយា ទ្វេ, អធិបតិយា ទ្វេ…បេ… អវិគតេ តីណិ.

បច្ចនីយុទ្ធារោ

១០៥. សរណោ អនិទស្សនអប្បដិឃោ ធម្មោ នសរណស្ស នអនិទស្សនអប្បដិឃស្ស ធម្មស្ស សហជាតបច្ចយេន បច្ចយោ, បច្ឆាជាតបច្ចយេន បច្ចយោ, កម្មបច្ចយេន បច្ចយោ. (សំខិត្តំ.) នហេតុយា តីណិ, នអារម្មណេ តីណិ…បេ… នោអវិគតេ តីណិ.

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)

ធម្មានុលោមបច្ចនីយេ ទុកតិកបដ្ឋានំ និដ្ឋិតំ.