១០០-២. សរណទុក-វេទនាត្តិកំ

៨១. សរណំ សុខាយ វេទនាយ សម្បយុត្តំ ធម្មំ បដិច្ច នសរណោ នសុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា. សរណំ សុខាយ វេទនាយ សម្បយុត្តំ ធម្មំ បដិច្ច នអរណោ នសុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា. សរណំ សុខាយ វេទនាយ សម្បយុត្តំ ធម្មំ បដិច្ច នសរណោ នសុខាយ វេទនាយ សម្បយុត្តោ ច នអរណោ នសុខាយ វេទនាយ សម្បយុត្តោ ច ធម្មា ឧប្បជ្ជន្តិ ហេតុបច្ចយា. (៣)

អរណំ សុខាយ វេទនាយ សម្បយុត្តំ ធម្មំ បដិច្ច នសរណោ នសុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា. (១)

ហេតុយា ចត្តារិ.

៨២. សរណំ ទុក្ខាយ វេទនាយ សម្បយុត្តំ ធម្មំ បដិច្ច នសរណោ នទុក្ខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា. (សំខិត្តំ.)

ហេតុយា តីណិ.

សរណំ អទុក្ខមសុខាយ វេទនាយ សម្បយុត្តំ ធម្មំ បដិច្ច នសរណោ នអទុក្ខមសុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា….

ហេតុយា ចត្តារិ.