៩២-១. ឧបេក្ខាសហគតទុក-កុសលត្តិកំ

៧១. ឧបេក្ខាសហគតំ កុសលំ ធម្មំ បដិច្ច នឧបេក្ខាសហគតោ នកុសលោ ធម្មោ ឧប្បជ្ជតិ ហេតុបច្ចយា. នឧបេក្ខាសហគតំ កុសលំ ធម្មំ បដិច្ច នឧបេក្ខាសហគតោ នកុសលោ ធម្មោ ឧប្បជ្ជតិ ហេតុបច្ចយា. ឧបេក្ខាសហគតំ កុសលញ្ច នឧបេក្ខាសហគតំ កុសលញ្ច ធម្មំ បដិច្ច នឧបេក្ខាសហគតោ នកុសលោ ធម្មោ ឧប្បជ្ជតិ ហេតុបច្ចយា. ហេតុយា តីណិ.

ឧបេក្ខាសហគតំ អកុសលំ ធម្មំ បដិច្ច នឧបេក្ខាសហគតោ នអកុសលោ ធម្មោ ឧប្បជ្ជតិ ហេតុបច្ចយា. នឧបេក្ខាសហគតំ អកុសលំ ធម្មំ បដិច្ច នឧបេក្ខាសហគតោ នអកុសលោ ធម្មោ ឧប្បជ្ជតិ ហេតុបច្ចយា. ឧបេក្ខាសហគតំ អកុសលញ្ច នឧបេក្ខាសហគតំ អកុសលញ្ច ធម្មំ បដិច្ច នឧបេក្ខាសហគតោ នអកុសលោ ធម្មោ ឧប្បជ្ជតិ ហេតុបច្ចយា. ហេតុយា តីណិ. (អព្យាកតមូលំ តីណិយេវ.)