១-៧. បដិច្ចវារាទិ

៤. ហេតុំ អកុសលំ ធម្មំ បដិច្ច នហេតុ នអកុសលោ ធម្មោ ឧប្បជ្ជតិ ហេតុបច្ចយា. (១)

នហេតុំ អកុសលំ ធម្មំ បដិច្ច នហេតុ នអកុសលោ ធម្មោ ឧប្បជ្ជតិ ហេតុបច្ចយា. (១)

ហេតុំ អកុសលញ្ច នហេតុំ អកុសលញ្ច ធម្មំ បដិច្ច នហេតុ នអកុសលោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.) ហេតុយា តីណិ, អធិបតិយា តីណិ…បេ… អវិគតេ តីណិ.

(សហជាតវារម្បិ…បេ… និស្សយវារម្បិ បដិច្ចវារសទិសំ.)

៥. ហេតុ អកុសលោ ធម្មោ នហេតុស្ស នអកុសលស្ស ធម្មស្ស ហេតុបច្ចយេន បច្ចយោ. (១)

ហេតុ អកុសលោ ធម្មោ នហេតុស្ស នអកុសលស្ស ធម្មស្ស អារម្មណបច្ចយេន បច្ចយោ… តីណិ.

នហេតុ អកុសលោ ធម្មោ ននហេតុស្ស នអកុសលស្ស ធម្មស្ស អារម្មណបច្ចយេន បច្ចយោ… តីណិ.

ហេតុ អកុសលោ ច នហេតុ អកុសលោ ច ធម្មា នហេតុស្ស នអកុសលស្ស ធម្មស្ស អារម្មណបច្ចយេន បច្ចយោ… តីណិ. (សំខិត្តំ.)

៦. ហេតុយា ឯកំ, អារម្មណេ នវ, អធិបតិយា ឯកំ…បេ… អវិគតេ តីណិ.