១-៧. បដិច្ចវារាទិ

ហេតុបច្ចយោ

១១៨. សម្មត្តនិយតំ កុសលំ ធម្មំ បដិច្ច សម្មត្តនិយតោ កុសលោ ធម្មោ ឧប្បជ្ជតិ ហេតុបច្ចយា. (១)

អនិយតំ កុសលំ ធម្មំ បដិច្ច អនិយតោ កុសលោ ធម្មោ ឧប្បជ្ជតិ ហេតុបច្ចយា. (១) (សព្ពត្ថ ទ្វេ. សព្ពត្ថ វិត្ថារោ.)

១១៩. មិច្ឆត្តនិយតំ អកុសលំ ធម្មំ បដិច្ច មិច្ឆត្តនិយតោ អកុសលោ ធម្មោ ឧប្បជ្ជតិ ហេតុបច្ចយា. (១)

អនិយតំ អកុសលំ ធម្មំ បដិច្ច អនិយតោ អកុសលោ ធម្មោ ឧប្បជ្ជតិ ហេតុបច្ចយា. (១) (សព្ពត្ថ ទ្វេ. សព្ពត្ថ វិត្ថារោ.)

អនិយតំ អព្យាកតំ ធម្មំ បដិច្ច អនិយតោ អព្យាកតោ ធម្មោ ឧប្បជ្ជតិ ហេតុបច្ចយា. (សព្ពត្ថ ឯកំ.)