១-៧. បដិច្ចវារាទិ

ហេតុបច្ចយោ

១១៥. មជ្ឈិមំ កុសលំ ធម្មំ បដិច្ច មជ្ឈិមោ កុសលោ ធម្មោ ឧប្បជ្ជតិ ហេតុបច្ចយា. (១)

បណីតំ កុសលំ ធម្មំ បដិច្ច បណីតោ កុសលោ ធម្មោ ឧប្បជ្ជតិ ហេតុបច្ចយា. (១) (សព្ពត្ថ ទ្វេ, សព្ពត្ថ វិត្ថារោ.)

១១៦. ហីនំ អកុសលំ ធម្មំ បដិច្ច ហីនោ អកុសលោ ធម្មោ ឧប្បជ្ជតិ ហេតុបច្ចយា. (សព្ពត្ថ ឯកំ.)

១១៧. មជ្ឈិមំ អព្យាកតំ ធម្មំ បដិច្ច មជ្ឈិមោ អព្យាកតោ ធម្មោ ឧប្បជ្ជតិ ហេតុបច្ចយា. (១)

បណីតំ អព្យាកតំ ធម្មំ បដិច្ច បណីតោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ.

មជ្ឈិមំ អព្យាកតញ្ច បណីតំ អព្យាកតញ្ច ធម្មំ បដិច្ច មជ្ឈិមោ អព្យាកតោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

ហេតុយា បញ្ច. (សព្ពត្ថ វិត្ថារោ.)