១-៧. បដិច្ចវារាទិ

ហេតុបច្ចយោ

១០៥. នេវទស្សនេន នភាវនាយ បហាតព្ពហេតុកំ កុសលំ ធម្មំ បដិច្ច នេវទស្សនេន នភាវនាយ បហាតព្ពហេតុកោ កុសលោ ធម្មោ ឧប្បជ្ជតិ ហេតុបច្ចយា. (សព្ពត្ថ ឯកំ. សព្ពត្ថ វិត្ថារោ.)

១០៦. ទស្សនេន បហាតព្ពហេតុកំ អកុសលំ ធម្មំ បដិច្ច ទស្សនេន បហាតព្ពហេតុកោ អកុសលោ ធម្មោ ឧប្បជ្ជតិ ហេតុបច្ចយា.

ភាវនាយ បហាតព្ពហេតុកំ អកុសលំ ធម្មំ បដិច្ច ភាវនាយ បហាតព្ពហេតុកោ អកុសលោ ធម្មោ ឧប្បជ្ជតិ ហេតុបច្ចយា. (សំខិត្តំ.)

ហេតុយា ឆ, អារម្មណេ ទស, អធិបតិយា ទ្វេ…បេ… អវិគតេ ទស. (សព្ពត្ថ វិត្ថារោ.)

១០៧. នេវទស្សនេន នភាវនាយ បហាតព្ពហេតុកំ អព្យាកតំ ធម្មំ បដិច្ច នេវទស្សនេន នភាវនាយ បហាតព្ពហេតុកោ អព្យាកតោ ធម្មោ ឧប្បជ្ជតិ ហេតុបច្ចយា. (សព្ពត្ថ ឯកំ.)