១-៧. បដិច្ចវារាទិ

ហេតុបច្ចយោ

១០២. នេវទស្សនេន នភាវនាយ បហាតព្ពំ កុសលំ ធម្មំ បដិច្ច នេវទស្សនេន នភាវនាយ បហាតព្ពោ កុសលោ ធម្មោ ឧប្បជ្ជតិ ហេតុបច្ចយា. (សព្ពត្ថ ឯកំ.)

១០៣. ទស្សនេន បហាតព្ពំ អកុសលំ ធម្មំ បដិច្ច ទស្សនេន បហាតព្ពោ អកុសលោ ធម្មោ ឧប្បជ្ជតិ ហេតុបច្ចយា. (១)

ភាវនាយ បហាតព្ពំ អកុសលំ ធម្មំ បដិច្ច ភាវនាយ បហាតព្ពោ អកុសលោ ធម្មោ ឧប្បជ្ជតិ ហេតុបច្ចយា. (១) (សព្ពត្ថ ទ្វេ. សព្ពត្ថ វិត្ថារោ.)

១០៤. នេវទស្សនេន នភាវនាយ បហាតព្ពំ អព្យាកតំ ធម្មំ បដិច្ច នេវទស្សនេន នភាវនាយ បហាតព្ពោ អព្យាកតោ ធម្មោ ឧប្បជ្ជតិ ហេតុបច្ចយា. (សព្ពត្ថ ឯកំ.)