១-៧. បដិច្ចវារាទិ

ហេតុបច្ចយោ

៩៩. បីតិសហគតំ កុសលំ ធម្មំ បដិច្ច បីតិសហគតោ កុសលោ ធម្មោ ឧប្បជ្ជតិ ហេតុបច្ចយា… តីណិ.

សុខសហគតំ កុសលំ ធម្មំ បដិច្ច សុខសហគតោ កុសលោ ធម្មោ ឧប្បជ្ជតិ ហេតុបច្ចយា… តីណិ.

ឧបេក្ខាសហគតំ កុសលំ ធម្មំ បដិច្ច ឧបេក្ខាសហគតោ កុសលោ ធម្មោ ឧប្បជ្ជតិ ហេតុបច្ចយា. (១)

បីតិសហគតំ កុសលញ្ច សុខសហគតំ កុសលញ្ច ធម្មំ បដិច្ច បីតិសហគតោ កុសលោ ធម្មោ ឧប្បជ្ជតិ ហេតុបច្ចយា… តីណិ. (សព្ពត្ថ ទស. សព្ពត្ថ វិត្ថារោ.)

១០០. បីតិសហគតំ អកុសលំ ធម្មំ បដិច្ច បីតិសហគតោ អកុសលោ ធម្មោ ឧប្បជ្ជតិ ហេតុបច្ចយា… តីណិ.

សុខសហគតំ អកុសលំ ធម្មំ បដិច្ច សុខសហគតោ អកុសលោ ធម្មោ ឧប្បជ្ជតិ ហេតុបច្ចយា… តីណិ.

ឧបេក្ខាសហគតំ អកុសលំ ធម្មំ បដិច្ច ឧបេក្ខាសហគតោ អកុសលោ ធម្មោ ឧប្បជ្ជតិ ហេតុបច្ចយា. (១)

បីតិសហគតំ អកុសលញ្ច សុខសហគតំ អកុសលញ្ច ធម្មំ បដិច្ច បីតិសហគតោ អកុសលោ ធម្មោ ឧប្បជ្ជតិ ហេតុបច្ចយា… តីណិ. (សព្ពត្ថ ទស. សព្ពត្ថ វិត្ថារោ.)

១០១. បីតិសហគតំ អព្យាកតំ ធម្មំ បដិច្ច បីតិសហគតោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ.

សុខសហគតំ អព្យាកតំ ធម្មំ បដិច្ច សុខសហគតោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ.

ឧបេក្ខាសហគតំ អព្យាកតំ ធម្មំ បដិច្ច ឧបេក្ខាសហគតោ អព្យាកតោ ធម្មោ ឧប្បជ្ជតិ ហេតុបច្ចយា. (១)

បីតិសហគតំ អព្យាកតញ្ច សុខសហគតំ អព្យាកតញ្ច ធម្មំ បដិច្ច បីតិសហគតោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ. (សព្ពត្ថ ទស. សព្ពត្ថ វិត្ថារោ.)