១-៧. បដិច្ចវារាទិ

ហេតុបច្ចយោ

៩៦. សវិតក្កសវិចារំ កុសលំ ធម្មំ បដិច្ច សវិតក្កសវិចារោ កុសលោ ធម្មោ ឧប្បជ្ជតិ ហេតុបច្ចយា… តីណិ.

អវិតក្កវិចារមត្តំ កុសលំ ធម្មំ បដិច្ច អវិតក្កវិចារមត្តោ កុសលោ ធម្មោ ឧប្បជ្ជតិ ហេតុបច្ចយា… ចត្តារិ.

អវិតក្កអវិចារំ កុសលំ ធម្មំ បដិច្ច អវិតក្កអវិចារោ កុសលោ ធម្មោ ឧប្បជ្ជតិ ហេតុបច្ចយា. (១)

អវិតក្កអវិចារំ កុសលំ ធម្មំ បដិច្ច អវិតក្កវិចារមត្តោ កុសលោ ធម្មោ ឧប្បជ្ជតិ ហេតុបច្ចយា. (១)

អវិតក្កវិចារមត្តំ កុសលញ្ច អវិតក្កអវិចារំ កុសលញ្ច ធម្មំ…បេ… សវិតក្កសវិចារំ កុសលញ្ច អវិតក្កវិចារមត្តំ កុសលញ្ច ធម្មំ បដិច្ច សវិតក្កសវិចារោ កុសលោ ធម្មោ ឧប្បជ្ជតិ ហេតុបច្ចយា. (១)

ហេតុយា ឯកាទស.

៩៧. សវិតក្កសវិចារំ អកុសលំ ធម្មំ បដិច្ច សវិតក្កសវិចារោ អកុសលោ ធម្មោ ឧប្បជ្ជតិ ហេតុបច្ចយា… តីណិ.

អវិតក្កវិចារមត្តំ អកុសលំ ធម្មំ បដិច្ច សវិតក្កសវិចារោ អកុសលោ ធម្មោ ឧប្បជ្ជតិ ហេតុបច្ចយា. (១)

សវិតក្កសវិចារំ អកុសលញ្ច អវិតក្កវិចារមត្តំ អកុសលញ្ច ធម្មំ បដិច្ច សវិតក្កសវិចារោ អកុសលោ ធម្មោ ឧប្បជ្ជតិ ហេតុបច្ចយា. (១)

ហេតុយា បញ្ច.

៩៨. សវិតក្កសវិចារំ អព្យាកតំ ធម្មំ បដិច្ច សវិតក្កសវិចារោ អព្យាកតោ ធម្មោ ឧប្បជ្ជតិ ហេតុបច្ចយា.

ហេតុយា សត្តតិំស.