១-៧. បដិច្ចវារាទិ

បច្ចយចតុក្កំ

៨៤. អព្យាកតំ អនិទស្សនសប្បដិឃំ ធម្មំ បដិច្ច អព្យាកតោ អនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា. (សំខិត្តំ.)

ហេតុយា ឯកំ…បេ… អវិគតេ ឯកំ. (សំខិត្តំ.)

(សហជាតវារម្បិ…បេ… បញ្ហាវារម្បិ វិត្ថារេតព្ពំ.)

៨៥. កុសលំ អនិទស្សនអប្បដិឃំ ធម្មំ បដិច្ច កុសលោ អនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា. កុសលំ អនិទស្សនអប្បដិឃំ ធម្មំ បដិច្ច អព្យាកតោ អនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា. កុសលំ អនិទស្សនអប្បដិឃំ ធម្មំ បដិច្ច កុសលោ អនិទស្សនអប្បដិឃោ ច អព្យាកតោ អនិទស្សនអប្បដិឃោ ច ធម្មា ឧប្បជ្ជន្តិ ហេតុបច្ចយា. (៣)

អកុសលំ អនិទស្សនអប្បដិឃំ ធម្មំ បដិច្ច អកុសលោ អនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា… តីណិ.

អព្យាកតំ អនិទស្សនអប្បដិឃំ ធម្មំ បដិច្ច អព្យាកតោ អនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា. (១)

កុសលំ អនិទស្សនអប្បដិឃញ្ច អព្យាកតំ អនិទស្សនអប្បដិឃញ្ច ធម្មំ បដិច្ច អព្យាកតោ អនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា. (១)

អកុសលំ អនិទស្សនអប្បដិឃញ្ច អព្យាកតំ អនិទស្សនអប្បដិឃញ្ច ធម្មំ បដិច្ច អព្យាកតោ អនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា. (១)

ហេតុយា នវ, អារម្មណេ តីណិ…បេ… វិបាកេ ឯកំ…បេ… អវិគតេ នវ. (សំខិត្តំ. សហជាតវារម្បិ…បេ… សម្បយុត្តវារម្បិ បញ្ហាវារម្បិ វិត្ថារេតព្ពំ.)

កុសលត្តិកសនិទស្សនត្តិកំ និដ្ឋិតំ.