ពហិទ្ធាបទំ

ហេតុបច្ចយោ

៨០. កុសលំ ពហិទ្ធា ធម្មំ បដិច្ច កុសលោ ពហិទ្ធា ធម្មោ ឧប្បជ្ជតិ ហេតុបច្ចយា… តីណិ.

អកុសលំ ពហិទ្ធា ធម្មំ បដិច្ច អកុសលោ ពហិទ្ធា ធម្មោ ឧប្បជ្ជតិ ហេតុបច្ចយា… តីណិ.

អព្យាកតំ ពហិទ្ធា ធម្មំ បដិច្ច អព្យាកតោ ពហិទ្ធា ធម្មោ ឧប្បជ្ជតិ ហេតុបច្ចយា. (១)

កុសលំ ពហិទ្ធា ច អព្យាកតំ ពហិទ្ធា ច ធម្មំ បដិច្ច អព្យាកតោ ពហិទ្ធា ធម្មោ ឧប្បជ្ជតិ ហេតុបច្ចយា. (១)

អកុសលំ ពហិទ្ធា ច អព្យាកតំ ពហិទ្ធា ច ធម្មំ បដិច្ច អព្យាកតោ ពហិទ្ធា ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

ហេតុយា នវ…បេ… វិបាកេ ឯកំ…បេ… អវិគតេ នវ. (សំខិត្តំ.)

(សហជាតវារម្បិ…បេ… សម្បយុត្តវារម្បិ បដិច្ចវារសទិសំ.)

៨១. កុសលោ ពហិទ្ធា ធម្មោ កុសលស្ស ពហិទ្ធា ធម្មស្ស ហេតុបច្ចយេន បច្ចយោ… តីណិ.

អកុសលោ ពហិទ្ធា ធម្មោ អកុសលស្ស ពហិទ្ធា ធម្មស្ស ហេតុបច្ចយេន បច្ចយោ… តីណិ.

អព្យាកតោ ពហិទ្ធា ធម្មោ អព្យាកតស្ស ពហិទ្ធា ធម្មស្ស ហេតុបច្ចយេន បច្ចយោ. (១) (សំខិត្តំ.)

ហេតុយា សត្ត, អារម្មណេ នវ, អធិបតិយា ទស…បេ… អវិគតេ តេរស. (សំខិត្តំ. យថា កុសលត្តិកេ បញ្ហាវារំ ឯវំ វិត្ថារេតព្ពំ.)