១-៧. បដិច្ចវារាទិ

បច្ចយចតុក្កំ

៥៨. អកុសលំ ហីនំ ធម្មំ បដិច្ច អកុសលោ ហីនោ ធម្មោ ឧប្បជ្ជតិ ហេតុបច្ចយា. (សំខិត្តំ.)

ហេតុយា ឯកំ…បេ… អវិគតេ ឯកំ. (សំខិត្តំ. សព្ពត្ថ វិត្ថារោ.)

៥៩. កុសលំ មជ្ឈិមំ ធម្មំ បដិច្ច កុសលោ មជ្ឈិមោ ធម្មោ ឧប្បជ្ជតិ ហេតុបច្ចយា. កុសលំ មជ្ឈិមំ ធម្មំ បដិច្ច អព្យាកតោ មជ្ឈិមោ ធម្មោ ឧប្បជ្ជតិ ហេតុបច្ចយា. កុសលំ មជ្ឈិមំ ធម្មំ បដិច្ច កុសលោ មជ្ឈិមោ ច អព្យាកតោ មជ្ឈិមោ ច ធម្មា ឧប្បជ្ជន្តិ ហេតុបច្ចយា. (៣)

អព្យាកតំ មជ្ឈិមំ ធម្មំ បដិច្ច អព្យាកតោ មជ្ឈិមោ ធម្មោ ឧប្បជ្ជតិ ហេតុបច្ចយា. (១)

កុសលំ មជ្ឈិមញ្ច អព្យាកតំ មជ្ឈិមញ្ច ធម្មំ បដិច្ច អព្យាកតោ មជ្ឈិមោ ធម្មោ ឧប្បជ្ជតិ ហេតុបច្ចយា. (១)

កុសលំ មជ្ឈិមំ ធម្មំ បដិច្ច កុសលោ មជ្ឈិមោ ធម្មោ ឧប្បជ្ជតិ អារម្មណបច្ចយា. (១)

អព្យាកតំ មជ្ឈិមំ ធម្មំ បដិច្ច អព្យាកតោ មជ្ឈិមោ ធម្មោ ឧប្បជ្ជតិ អារម្មណបច្ចយា. (១) (សំខិត្តំ.)

ហេតុយា បញ្ច, អារម្មណេ ទ្វេ, អវិគតេ បញ្ច. (សំខិត្តំ. សហជាតវារម្បិ …បេ… សម្បយុត្តវារម្បិ បដិច្ចវារសទិសំ.)

៦០. កុសលោ មជ្ឈិមោ ធម្មោ កុសលស្ស មជ្ឈិមស្ស ធម្មស្ស ហេតុបច្ចយេន បច្ចយោ… តីណិ.

អព្យាកតោ មជ្ឈិមោ ធម្មោ អព្យាកតស្ស មជ្ឈិមស្ស ធម្មស្ស ហេតុបច្ចយេន បច្ចយោ. (១)

កុសលោ មជ្ឈិមោ ធម្មោ កុសលស្ស មជ្ឈិមស្ស ធម្មស្ស អារម្មណបច្ចយេន បច្ចយោ. កុសលោ មជ្ឈិមោ ធម្មោ អព្យាកតស្ស មជ្ឈិមស្ស ធម្មស្ស អារម្មណបច្ចយេន បច្ចយោ. (២)

អព្យាកតោ មជ្ឈិមោ ធម្មោ អព្យាកតស្ស មជ្ឈិមស្ស ធម្មស្ស អារម្មណបច្ចយេន បច្ចយោ. អព្យាកតោ មជ្ឈិមោ ធម្មោ កុសលស្ស មជ្ឈិមស្ស ធម្មស្ស អារម្មណបច្ចយេន បច្ចយោ. (២) (សំខិត្តំ).

៦១. ហេតុយា ចត្តារិ, អារម្មណេ ចត្តារិ, អវិគតេ សត្ត.

(សំខិត្តំ. យថា កុសលត្តិកេ បញ្ហាវារំ, ឯវំ វិត្ថារេតព្ពំ.)

បណីតបទំ

ហេតុបច្ចយោ

៦២. កុសលំ បណីតំ ធម្មំ បដិច្ច កុសលោ បណីតោ ធម្មោ ឧប្បជ្ជតិ ហេតុបច្ចយា. (១)

អព្យាកតំ បណីតំ ធម្មំ បដិច្ច អព្យាកតោ បណីតោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

ហេតុយា ទ្វេ, អវិគតេ ទ្វេ. (សំខិត្តំ. សហជាតវារេបិ…បេ… បញ្ហាវារេបិ សព្ពត្ថ វិត្ថារោ.)