១-៧. បដិច្ចវារាទិ

បច្ចយចតុក្កំ

៥១. កុសលំ បរិត្តំ ធម្មំ បដិច្ច កុសលោ បរិត្តោ ធម្មោ ឧប្បជ្ជតិ ហេតុបច្ចយា. កុសលំ បរិត្តំ ធម្មំ បដិច្ច អព្យាកតោ បរិត្តោ ធម្មោ ឧប្បជ្ជតិ ហេតុបច្ចយា. កុសលំ បរិត្តំ ធម្មំ បដិច្ច កុសលោ បរិត្តោ ច អព្យាកតោ បរិត្តោ ច ធម្មា ឧប្បជ្ជន្តិ ហេតុបច្ចយា. (៣)

អកុសលំ បរិត្តំ ធម្មំ បដិច្ច អកុសលោ បរិត្តោ ធម្មោ ឧប្បជ្ជតិ ហេតុបច្ចយា… តីណិ.

អព្យាកតំ បរិត្តំ ធម្មំ បដិច្ច អព្យាកតោ បរិត្តោ ធម្មោ ឧប្បជ្ជតិ ហេតុបច្ចយា. (១)

កុសលំ បរិត្តញ្ច អព្យាកតំ បរិត្តញ្ច ធម្មំ បដិច្ច អព្យាកតោ បរិត្តោ ធម្មោ ឧប្បជ្ជតិ ហេតុបច្ចយា. (១)

អកុសលំ បរិត្តញ្ច អព្យាកតំ បរិត្តញ្ច ធម្មំ បដិច្ច អព្យាកតោ បរិត្តោ ធម្មោ ឧប្បជ្ជតិ ហេតុបច្ចយា. (សំខិត្តំ.)

ហេតុយា នវ, អារម្មណេ តីណិ, អវិគតេ នវ. (សំខិត្តំ. សហជាតវារម្បិ…បេ… សម្បយុត្តវារម្បិ បដិច្ចវារសទិសំ.)

៥២. កុសលោ បរិត្តោ ធម្មោ កុសលស្ស បរិត្តស្ស ធម្មស្ស ហេតុបច្ចយេន បច្ចយោ… តីណិ.

អកុសលោ បរិត្តោ ធម្មោ អកុសលស្ស បរិត្តស្ស ធម្មស្ស ហេតុបច្ចយេន បច្ចយោ… តីណិ.

អព្យាកតោ បរិត្តោ ធម្មោ អព្យាកតស្ស បរិត្តស្ស ធម្មស្ស ហេតុបច្ចយេន បច្ចយោ. (១)

កុសលោ បរិត្តោ ធម្មោ កុសលស្ស បរិត្តស្ស ធម្មស្ស អារម្មណបច្ចយេន បច្ចយោ. (សំខិត្តំ.)

ហេតុយា សត្ត, អារម្មណេ នវ, អវិគតេ តេរស. (សំខិត្តំ. យថា កុសលត្តិកេ បញ្ហាវារំ ឯវំ វិត្ថារេតព្ពំ.)

មហគ្គតាទិបទានិ

ហេតុបច្ចយោ

៥៣. កុសលំ មហគ្គតំ ធម្មំ បដិច្ច កុសលោ មហគ្គតោ ធម្មោ ឧប្បជ្ជតិ ហេតុបច្ចយា. (១)

អព្យាកតំ មហគ្គតំ ធម្មំ បដិច្ច អព្យាកតោ មហគ្គតោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

ហេតុយា ទ្វេ, អារម្មណេ ទ្វេ, អវិគតេ ទ្វេ. (សំខិត្តំ. សហជាតវារេបិ…បេ… បញ្ហាវារេបិ សព្ពត្ថ វិត្ថារោ).

៥៤. កុសលំ អប្បមាណំ ធម្មំ បដិច្ច កុសលោ អប្បមាណោ ធម្មោ ឧប្បជ្ជតិ ហេតុបច្ចយា. (១)

អព្យាកតំ អប្បមាណំ ធម្មំ បដិច្ច អព្យាកតោ អប្បមាណោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

ហេតុយា ទ្វេ, អវិគតេ ទ្វេ. (សំខិត្តំ. សហជាតវារេបិ…បេ… បញ្ហាវារេបិ សព្ពត្ថ វិត្ថារោ.)