១-៧. បដិច្ចវារាទិ

បច្ចយចតុក្កំ

៤១. អកុសលំ ទស្សនេន បហាតព្ពហេតុកំ ធម្មំ បដិច្ច អកុសលោ ទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា.

ហេតុយា ឯកំ…បេ… អវិគតេ ឯកំ. (សំខិត្តំ.)

៤២. អកុសលំ ភាវនាយ បហាតព្ពហេតុកំ ធម្មំ បដិច្ច អកុសលោ ភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា.

ហេតុយា ឯកំ…បេ… អវិគតេ ឯកំ. (សំខិត្តំ.)

៤៣. កុសលំ នេវទស្សនេន នភាវនាយ បហាតព្ពហេតុកំ ធម្មំ បដិច្ច កុសលោ នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា. (សំខិត្តំ.)

ហេតុយា សត្ត, អារម្មណេ ទ្វេ, អវិគតេ សត្ត. (សំខិត្តំ. សហជាតវារេបិ…បេ… បញ្ហាវារេបិ សព្ពត្ថ វិត្ថារោ.)