១-៧. បដិច្ចវារាទិ

បច្ចយចតុក្កំ

៣៨. អកុសលំ ទស្សនេន បហាតព្ពំ ធម្មំ បដិច្ច អកុសលោ ទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា. (សំខិត្តំ.)

ហេតុយា ឯកំ…បេ… អវិគតេ ឯកំ. (សំខិត្តំ.)

(សហជាតវារេបិ…បេ… បញ្ហាវារេបិ សព្ពត្ថ ឯកំ.)

៣៩. អកុសលំ ភាវនាយ បហាតព្ពំ ធម្មំ បដិច្ច អកុសលោ ភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

ហេតុយា ឯកំ…បេ… អវិគតេ ឯកំ. (សំខិត្តំ.)

៤០. កុសលំ នេវទស្សនេន នភាវនាយ បហាតព្ពំ ធម្មំ បដិច្ច កុសលោ នេវទស្សនេន នភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា… តីណិ.

អព្យាកតំ នេវទស្សនេន នភាវនាយ បហាតព្ពំ ធម្មំ បដិច្ច អព្យាកតោ នេវទស្សនេន នភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា. (១)

កុសលំ នេវទស្សនេន នភាវនាយ បហាតព្ពញ្ច អព្យាកតំ នេវទស្សនេន នភាវនាយ បហាតព្ពញ្ច ធម្មំ បដិច្ច អព្យាកតោ នេវទស្សនេន នភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

ហេតុយា បញ្ច, អវិគតេ បញ្ច. (សំខិត្តំ. សហជាតវារេបិ…បេ… បញ្ហាវារេបិ សព្ពត្ថ វិត្ថារោ.)